അറസ്റ്റിലായ മനീഷ, സുനിൽ
കൊച്ചി: ടൈൽ പണിക്കാരനായ യുവാവിനെ കെണിയിൽ വീഴ്ത്തി പണം തട്ടിയെടുത്ത കേസിൽ യുവതിയെയും യുവാവിനെയും സെൻട്രൽ പൊലീസ് അറസ്റ്റ് ചെയ്തു.തൃപ്പൂണിത്തുറ പള്ളിപ്പറമ്പ് കാവ് എം.കെ.കെ നഗറിൽ പുതുമന വീട്ടിൽ മനീഷ (26), സുഹൃത്ത് മട്ടാഞ്ചേരി ഗുജറാത്തി റോഡിൽ ഹൗസ് നമ്പർ 6/1347ൽ സുനിൽ (34) എന്നിവരെയാണ് എറണാകുളം സെൻട്രൽ പൊലീസ് അറസ്റ്റ് ചെയ്തത്.ടൈൽ പണിക്കാരനായ യുവാവ് ഫ്ലാറ്റിലെ ജോലിക്കിടെയാണ് അവിടത്തെ ജീവനക്കാരിയായ മനീഷയെ പരിചയപ്പെട്ടത്. യുവാവിൽനിന്ന് 2000 രൂപ കടമായി വാങ്ങുകയും ചെയ്തു.
ഇതിനിടെ മനീഷ യുവാവിനോട് ഹോട്ടലിൽ മുറിയെടുക്കാൻ ആവശ്യപ്പെട്ടു. ഇവിടെ സുഹൃത്തായ സുനിലുമായെത്തി യുവാവിനെ ചവിട്ടിവീഴ്ത്തുകയും ഇടിവളകൊണ്ട് മുഖത്തിടിക്കുകയും മാല പിടിച്ചുപറിക്കുകയുമായിരുന്നുവെന്ന് പൊലീസ് പറഞ്ഞു. സുനിലിന്റെ ഭാര്യയാണ് മനീഷ എന്ന് പറഞ്ഞായിരുന്നു ആക്രമണം. ഇവരിൽനിന്നും മാല വിറ്റുകിട്ടിയ പണവും പള്ളുരുത്തിയിലെ ജ്വല്ലറിയിൽനിന്ന് പ്രതികൾ വിറ്റ മാലയും കണ്ടെടുത്തു.
ഇൻസ്പെക്ടർ അനീഷ് ജോയ്, പ്രിൻസിപ്പൽ എസ്.ഐ കെ.പി് അഖിൽ, ഇൻസ്പെക്ടർ അനൂപ്, അസി. സബ് ഇൻസ്പെക്ടർ ഷാജി, സജി, രാജേഷ് സീനിയർ സിവിൽ പൊലീസ് ഓഫിസർമാരായ വിനോദ്, ഇഗ്നേഷ്യസ്, ഷൈജി, സിവിൽ പൊലീസ് ഓഫീസർ ശ്രീലക്ഷ്മി അന്വേഷണ സംഘത്തിലുണ്ടായിരുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.