കുമളി: തേനി ജില്ലയിലെ കമ്പത്ത് പട്ടാപ്പകൽ വീട് കുത്തിത്തുറന്ന് അലമാരയിൽ സൂക്ഷിച്ചിരുന്ന 35 പവൻ സ്വർണം കവർന്നു. കമ്പം റേഞ്ച് ഓഫിസ് റോഡിലുള്ള ശരവണെൻറ വീട്ടിലാണ് കവർച്ച നടന്നത്.
കമ്പം ടൗണിൽ പമ്പ് മെക്കാനിക്കായി ജോലിചെയ്യുകയാണ് ശരവണൻ. കുടുംബാംഗങ്ങൾ ബന്ധുവീട്ടിൽ പോയ നേരത്താണ് കവർച്ച നടന്നത്. ശരവണൻ ടൗണിലെ കടയിലായിരുന്നതിനാൽ വീട്ടിൽ ആരും ഉണ്ടായിരുന്നില്ല. വൈകീട്ട് കുടുംബാംഗങ്ങൾ തിരികെയെത്തിയപ്പോൾ വാതിൽ തുറന്നുകിടക്കുകയായിരുന്നു.
കമ്പം ഇൻസ്പെക്ടർ ലാവണ്യയുടെ നേതൃത്വത്തിൽ പൊലീസ് സ്ഥലത്തെത്തി സമീപത്തെ സി.സി ടി.വി കാമറയിൽ പതിഞ്ഞ ദൃശ്യങ്ങൾ ശേഖരിച്ചു. വിരലടയാള വിദഗ്ധരും ഡോഗ് സ്ക്വാഡും സ്ഥലത്തെത്തി പരിശോധന നടത്തി. പ്രതികളെ കണ്ടെത്താൻ പ്രത്യേക സ്ക്വാഡ് അന്വേഷണം ആരംഭിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.