രാജസ്ഥാനിൽ നാലു മക്കളെ കൊന്ന് യുവതി ആത്മഹത്യ ചെയ്തു

ജയ്പൂർ: രാജസ്ഥാനിലെ ബാർമർ ജില്ലയിൽ നാലു മക്കളെ ​കൊലപ്പെടുത്തി 27കാരി ആത്മഹത്യ ചെയ്തു. മക്കളിൽ മൂന്നുപേർ പെൺകുട്ടികളാണ്. നാലു കുട്ടികളെയും യുവതി സ്റ്റീൽ ഡ്രമ്മിൽ അടച്ചിടുകയായിരുന്നുവെന്ന് പൊലീസ് പറഞ്ഞു.

കുട്ടികൾ ശ്വാസംമുട്ടിയാണ് മരിച്ചത്. പൊലീസ് എത്തിയാണ് മൃതദേഹങ്ങൾ പുറത്തെടുത്തത്. മരിച്ച യുവതിയുടെ ഭർത്താവ് ഖനിത്തൊഴിലാളിയാണ്. ഭർത്താവ് ​ജോലിക്കു പോയപ്പോഴാണ് സംഭവം.

മരണവിവരം അയൽക്കാരാണ് പൊലീസിനെ അറിയിച്ചത്. ദമ്പതികൾ പതിവായി കലഹമുണ്ടാവാറുണ്ടെന്നും അതാകാം മരണകാരണമെന്നും അയൽക്കാർ പൊലീസിനോട് പറഞ്ഞു. പരാതി ലഭിച്ചാൽ അന്വേഷണം നടത്തുമെന്ന് പൊലീസ് അറിയിച്ചു.