വെള്ളറട: കൂതാളിയില് യുവതിയെ തലയ്ക്കടിച്ച് കൊലപ്പെടുത്താന് ശ്രമിച്ച യുവാവ് പിടിയില്. വെള്ളറട കൂതാളി കരണ്ടകത്തിന് പാറ സ്വദേശിയായ വിനോദ് (32) ആണ് വെള്ളറട സര്ക്കിള് ഇൻസ്പെക്ടര് മൃതുല് കുമാറിന്റെ നേതൃത്വത്തിലുള്ള സംഘം പിടികൂടിയത്. ശനിയാഴ്ച ഉച്ചയോടെയാണ് സംഭവം. യുവതിയുടെ വീട്ടില് അതിക്രമിച്ചു കയറിയ പ്രതി ഉച്ചത്തില് അസഭ്യം വിളിക്കുകയും കമ്പി കൊണ്ട് തലയ്ക്കടിച്ച് കൊലപ്പെടുത്താന് ശ്രമിക്കുകയും ചെയ്തെന്നാണ് കേസ്. എസ്.ഐമാരായ രതീഷ്കുമാര്, ഉണ്ണികൃഷ്ണന് നായര്, എസ്.സി.പി.ഒ സനല്കുമാര് സി.പി.ഒ പ്രഭുല്ലകുമാര്, ജോസ്, സാജന് അടങ്ങുന്ന സംഘമാണ് പ്രതിയെ പിടികൂടിയത്. നെയ്യാറ്റിന്കര കോടതിയില് ഹാജരാക്കിയ പ്രതിയെ റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.