വിദേശ പഠനം: മലയാളി വിദ്യാർഥികൾ നാല്​ ശതമാനം മാത്രം, എ​ല്ലാ​വ​രും വി​ദേ​ശ​ത്തേ​ക്ക്​ എ​ന്ന പ്ര​ചാ​ര​ണം ശ​രി​യ​ല്ല -മന്ത്രി ആർ. ബിന്ദു

കൊ​ച്ചി: രാ​ജ്യ​ത്തു നി​ന്ന്​ വി​ദേ​ശ വി​ദ്യാ​ഭ്യാ​സ​ത്തി​ന് പോ​കു​ന്ന കു​ട്ടി​ക​ളി​ൽ നാ​ല് ശ​ത​മാ​നം മാ​ത്ര​മാ​ണ് കേ​ര​ള​ത്തി​ൽ നി​ന്നു​ള്ള​വ​രെ​ന്ന്​ ഉ​ന്ന​ത വി​ദ്യാ​ഭ്യാ​സ മ​ന്ത്രി ഡോ.​ആ​ർ. ബി​ന്ദു. എ​ല്ലാ കു​ട്ടി​ക​ളും വി​ദേ​ശ​ത്തേ​ക്ക് പോ​കു​ന്നു​വെ​ന്ന പ്ര​ചാ​ര​ണം ശ​രി​യ​ല്ല. ആ​ഗോ​ള​വ​ത്​​ക​ര​ണ​ത്തി​ന്റെ ഭാ​ഗ​മാ​യി അ​തി​ർ​ത്തി​രേ​ഖ​ക​ൾ അ​പ്ര​ത്യ​ക്ഷ​മാ​കു​ക​യാ​ണ്. വി​ദേ​ശ വി​ദ്യാ​ഭ്യാ​സം മു​മ്പ​ത്തേ​ക്കാ​ൾ എ​ളു​പ്പ​ത്തി​ൽ സാ​ധ്യ​മാ​കു​ന്ന​തും വി​ദ്യാ​ർ​ഥി​ക​ളെ ആ​ക​ർ​ഷി​ക്കു​ന്നു.

കു​ട്ടി​ക​ൾ പു​റ​ത്തു​പോ​യി പ​ഠ​നം ന​ട​ത്ത​രു​ത് എ​ന്ന് പ​റ​യാ​ന​ല്ല മ​റി​ച്ച് അ​ത്യാ​ധു​നി​ക നി​ല​വാ​ര​ത്തി​ലു​ള്ള സൗ​ക​ര്യ​ങ്ങ​ൾ ഒ​രു​ക്കി അ​ന്ത​ർ​ദേ​ശീ​യ നി​ല​വാ​ര​ത്തി​ലു​ള്ള വി​ദ്യാ​ഭ്യാ​സം ഇ​വി​ടെ ന​ൽ​കു​ന്ന​തി​നാ​ണ് സം​സ്ഥാ​ന സ​ർ​ക്കാ​ർ ശ്ര​മി​ച്ചു വ​രു​ന്ന​തെ​ന്നും മ​ന്ത്രി പ​റ​ഞ്ഞു. ഉ​ന്ന​ത വി​ദ്യാ​ഭ്യാ​സ കോ​ൺ​ക്ലേ​വി​ന് മു​ന്നോ​ടി​യാ​യി കൊ​ച്ചി​യി​ൽ ന​ട​ത്തി​യ വാ​ർ​ത്താ​സ​മ്മേ​ള​ന​ത്തി​ൽ സം​സാ​രി​ക്കു​ക​യാ​യി​രു​ന്നു അ​വ​ർ. ക​ഴി​ഞ്ഞ നാ​ലു​വ​ർ​ഷ​ത്തി​നി​ടെ സം​സ്ഥാ​ന​ത്തെ ഉ​ന്ന​ത വി​ദ്യാ​ഭ്യാ​സ മേ​ഖ​ല​യി​ൽ 6000 കോ​ടി രൂ​പ​യു​ടെ വി​ക​സ​ന പ്ര​വ​ർ​ത്ത​ന​ങ്ങ​ൾ ന​ട​ന്നു.

2000 കോ​ടി രൂ​പ​യാ​ണ് അ​ടി​സ്ഥാ​ന സൗ​ക​ര്യ വി​പു​ലീ​ക​ര​ണ​ത്തി​ന്​ ചെ​ല​വ​ഴി​ച്ച​ത്. കേ​ര​ള, എം.​ജി സ​ർ​വ​ക​ലാ​ശാ​ല​ക​ളി​ൽ ഒ​രു​ക്കി​യ ലാ​ബ് കോം​പ്ല​ക്സു​ക​ൾ ദ​ക്ഷി​ണേ​ന്ത്യ​യി​ലെ ത​ന്നെ ഏ​റ്റ​വും വ​ലു​താ​ണ്. കു​സാ​റ്റി​ലെ ലാ​ബ് സൗ​ക​ര്യ​ങ്ങ​ൾ ഉ​ന്ന​ത നി​ല​വാ​ര​ത്തി​ലാ​ക്കു​ന്ന​തി​ന്​ 250 കോ​ടി ചെ​ല​വ​ഴി​ച്ചു. പു​തി​യ​താ​യി അ​വ​ത​രി​പ്പി​ച്ച നാ​ലു​വ​ർ​ഷ ബി​രു​ദ പ്രോ​ഗ്രാ​മി​നോ​ട് അ​നു​കൂ​ല പ്ര​തി​ക​ര​ണ​മാ​ണ് ല​ഭി​ച്ചു​വ​രു​ന്ന​തെ​ന്നും മ​ന്ത്രി കൂ​ട്ടി​ച്ചേ​ർ​ത്തു.