വാഷിങ്ടൺ: ചൈനീസ് സമൂഹമാധ്യമമായ ടിക് ടോകിനെ വാങ്ങാൻ മൈക്രോസോഫ്റ്റ് ഒരുങ്ങുന്നതായി റിപ്പോർട്ട്. ഇതിനായി ടിക് ടോകിൻെറ ഉടമസ്ഥരായ ബൈറ്റ്ഡാൻസുമായി മൈക്രോസോഫ്റ്റ് ചർച്ച തുടങ്ങിയെന്നാണ് റിപ്പോർട്ട്. യു.എസിലെ ടിക് ടോകിൻെറ പ്രവർത്തനങ്ങൾ ഏറ്റെടുത്ത് നടത്താനാണ് നിലവിൽ മൈക്രോസോഫ്റ്റ് ശ്രമിക്കുന്നത്. ടിക് ടോകിനെ നിരോധിക്കുന്നത് പരിഗണിക്കുന്നുവെന്ന് യു.എസ് പ്രസിഡൻറ് ഡോണൾഡ് ട്രംപ് അറിയിച്ചതിന് പിന്നാലെയാണ് ഇതുമായി ബന്ധപ്പെട്ട വാർത്തകളും പുറത്ത് വരുന്നത്.
ചൈനീസ് കമ്പനിയായ ബൈറ്റ്ഡാൻസിൻെറ ഉടമസ്ഥതയിലുള്ള ടിക് ടോകിൻെറ ആകെ മൂല്യം 100 ബില്യൺ ഡോളറാണ്. എന്നാൽ, ഇരു കമ്പനികളും തമ്മിലുള്ള ചർച്ച എത്രത്തോളം മുന്നോട്ട് പോയെന്നത് വ്യക്തമല്ല. പക്ഷേ ഫോക്സ് ബിസിനസ് പോലുള്ള ചില ന്യൂസ് വെബ്സൈറ്റുകൾ ഇതുമായി ബന്ധപ്പെട്ട വാർത്ത റിപ്പോർട്ട് ചെയ്തിട്ടുണ്ട്.
ഇന്ത്യ ഉൾപ്പടെയുള്ള രാജ്യങ്ങൾ നേരത്തെ ടിക് ടോക് നിരോധിച്ചിരുന്നു. ചൈനീസ് സെർവറുകൾക്ക് വിവരം ചോർത്തുന്നുവെന്ന് ആരോപിച്ചായിരുന്നു നിരോധനം. 800 മില്യൺ ഉപയോക്താക്കളുള്ള ടിക് ടോകിനെ 2017ലാണ് ബൈറ്റ്ഡാൻസ് ഏറ്റെടുക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.