ന്യൂഡൽഹി: കോവിഡ് 19 വൈറസ് ബാധയെ തുടർന്ന് ഏഷ്യൻ സമ്പദ്വ്യവസ്ഥകളെ കാത്തിരിക്കുന്നത് വൻ സാമ്പത്തിക പ്രതിസന്ധിയെന്ന് ലോകബാങ്ക്. വികസ്വര രാജ്യങ്ങളിലെ വളർച്ചാ നിരക്ക് 2.1 ശതമാനമായി താഴുമെന്നും ലോകബാങ്ക് മുന്നറിയിപ്പ് നൽകുന്നു. 2019ൽ 5.8 ശതമാനം വളർച്ചാ നിരക്ക് ഉണ്ടാവുമെന്ന് പ്രവചിച്ച സ്ഥാനത്ത് വൻ കുറവാണ് രേഖപ്പെടുത്തിയിരിക്കുന്നത്.
ചൈനയിലെ വളർച്ചാ നിരക്ക് 6.1 ശതമാനത്തിൽ നിന്ന് 2.3 ശതമാനമായി കൂപ്പുകുത്തും. 11 മില്യൺ ജനങ്ങൾ വൈറസ് ബാധയെ തുടർന്നുണ്ടാകുന്ന പട്ടിണി മൂലം മരിക്കുമെന്നും ലോകബാങ്ക് വ്യക്തമാക്കുന്നു. കിഴക്കൻ ഏഷ്യ, പസഫിക് എന്നിവടങ്ങളിലെ സാമ്പത്തിക ശാസ്ത്രജ്ഞരാണ് ഇതുസംബന്ധിച്ച റിപ്പോർട്ട് തയാറാക്കിയത്.
കോവിഡ് 19 വൈറസ് ബാധയെ തുടർന്ന് വൻ സാമ്പത്തിക പ്രതിസന്ധിയുണ്ടാകുമെന്ന് ഐ.എം.എഫും നേരത്തെ മുന്നറിയിപ്പ് നൽകിയിരുന്നു. ചൈന, ഇന്ത്യ പോലുള്ള രാജ്യങ്ങളുടെ സമ്പദ്വ്യവസ്ഥകളിൽ വൻ പ്രതിസന്ധിയുണ്ടാകുമെന്നും ഐ.എം.എഫ് വ്യക്തമാക്കിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.