Posted On
date_range Updated On
date_range ഇ.പി.എഫ് ഉയർന്ന പെൻഷൻ: നോട്ടീസ് അയച്ചുതുടങ്ങിയെന്ന് കേന്ദ്രം
ന്യൂഡൽഹി: സുപ്രീംകോടതി വിധി പ്രകാരം ഉയർന്ന പെൻഷന്‌ അർഹതയുള്ള എംപ്ലോയ്മെന്റ് പ്രോവിഡന്റ് ഫണ്ട് പെൻഷൻകാർക്ക് പെൻഷൻ നൽകുന്നതിനു മുന്നോടിയായി ഡിമാൻഡ് നോട്ടീസുകൾ അയച്ചുതുടങ്ങിയതായി കേന്ദ്ര സർക്കാർ.
ഉയർന്ന പെൻഷന്‌ ഓപ്ഷൻ സമർപ്പിക്കുന്നതിനുള്ള സമയപരിധി രണ്ടുവട്ടം നീട്ടിനൽകിയെന്നും ലോക്സഭയിൽ അഡ്വ. എ.എം. ആരിഫ് എം.പിയുടെ ചോദ്യത്തിന്‌ മറുപടിയായി കേന്ദ്ര തൊഴിൽ സഹമന്ത്രി രാമേശ്വർ തെലി വ്യക്തമാക്കി.
ഇ.പി.എഫ് പെൻഷൻ ഫണ്ടിൽ അവകാശികളില്ലാതെ വൻ തുക ബാക്കിയുണ്ടെന്ന റിപ്പോർട്ടുകൾ ശരിയല്ലെന്നും 2023 മാർച്ച് 31ലെ കണക്കുകൾ പ്രകാരം പ്രസ്തുത ഫണ്ടിൽ തുക കമ്മിയാണെന്നും മന്ത്രി നൽകിയ മറുപടിയിൽ പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.