അ​ട​ക്കു​മോ ഹോ​ർ​മു​സ് ക​ട​ലി​ടു​ക്ക്? ഇ​ന്ത്യ​ക്കും നി​ർ​ണാ​യ​കം

ന്യൂ​ഡ​ൽ​ഹി: ഇ​സ്രാ​യേ​ൽ-​ഇ​റാ​ൻ സം​ഘ​ർ​ഷം എ​ണ്ണ​വി​ല​യെ​യും പൊ​ള്ളി​ക്കു​ക​യാ​ണ്. പ​ശ്ചി​മേ​ഷ്യ​യി​ലെ ഏ​ത് സം​ഘ​ർ​ഷ​വും എ​ണ്ണ​വി​ല​യെ പ്ര​തി​കൂ​ല​മാ​യി ബാ​ധി​ക്കു​മെ​ന്ന​തി​നാ​ൽ ഇ​ന്ത്യ​യും ഈ ​സാ​ഹ​ച​ര്യ​ത്തെ ആ​ശ​ങ്ക​യോ​ടെ​യാ​ണ് കാ​ണു​ന്ന​ത്. ഇ​ന്ത്യ​യു​ടെ എ​ണ്ണ ഇ​റ​ക്കു​മ​തി​യി​ൽ ഗ​ണ്യ​മാ​യ ഭാ​ഗം ഈ ​​മേ​ഖ​ല​യി​ൽ​നി​ന്നാ​യ​താ​ണ് കാ​ര​ണം. പ​ശ്ചി​മേ​ഷ്യ​യി​ൽ​നി​ന്നു​ള്ള എ​ണ്ണ, പ്ര​കൃ​തി​വാ​ത​ക വി​ത​ര​ണം ത​ട​സ്സ​പ്പെ​ടു​ന്ന​ത് ആ​ഗോ​ള വി​പ​ണി​യി​ൽ എ​ണ്ണ​വി​ല കു​തി​ച്ചു​യ​രാ​ൻ ഇ​ട​യാ​ക്കും. ലോ​ക​ത്ത് ഏ​റ്റ​വു​മ​ധി​കം എ​ണ്ണ​യും പ്ര​കൃ​തി​വാ​ത​ക​വും ഇ​റ​ക്കു​മ​തി ചെ​യ്യു​ന്ന രാ​ജ്യ​ങ്ങ​ളി​ലൊ​ന്നാ​യ ഇ​ന്ത്യ​ക്ക് അ​തു​ണ്ടാ​ക്കു​ന്ന പ്ര​ത്യാ​ഘാ​തം ചെ​റു​താ​യി​രി​ക്കി​ല്ല.

സം​ഘ​ർ​ഷം ഇ​തു​വ​രെ എ​ണ്ണ​വി​ത​ര​ണ​ത്തെ കാ​ര്യ​മാ​യി ബാ​ധി​ച്ചി​ട്ടി​ല്ലെ​ന്ന് ആ​ശ്വ​സി​ക്കാം. അ​തേ​സ​മ​യം, ക​പ്പ​ൽ ഗ​താ​ഗ​തം, ഇ​ൻ​ഷു​റ​ൻ​സ് എ​ന്നി​വ​ക്ക് ചെ​ല​വ് കൂ​ടി​യ​ത് ചെ​റി​യ​തോ​തി​ൽ വി​ല​ക്ക​യ​റ്റ​ത്തി​നി​ട​യാ​ക്കി​യി​ട്ടു​ണ്ട്. സം​ഘ​ർ​ഷം ആ​രം​ഭി​ച്ച വെ​ള്ളി​യാ​ഴ്ച ബ്രെ​ന്റ് ക്രൂ​ഡ് വി​ല ഏ​ഴ് ശ​ത​മാ​നം ഉ​യ​ർ​ന്ന് ബാ​ര​ലി​ന് 74 ഡോ​ള​റാ​യി. ഇ​റാ​​ന്റെ എ​ണ്ണ സം​ഭ​ര​ണ​കേ​ന്ദ്ര​ങ്ങ​ളി​ൽ ആ​ക്ര​മ​ണ​മു​ണ്ടാ​യെ​ങ്കി​ലും തു​ട​ർ​ന്നു​ള്ള ദി​വ​സ​ങ്ങ​ളി​ൽ എ​ണ്ണ​വി​ല നേ​രി​യ​തോ​തി​ൽ കു​റ​യു​ക​യാ​ണ് ചെ​യ്ത​ത്.

എ​ണ്ണ വി​ത​ര​ണ​ത്തി​​ന്റെ പ്ര​ധാ​ന മാ​ർ​ഗ​മാ​യ ഹോ​ർ​മു​സ് ക​ട​ലി​ടു​ക്ക് അ​ട​ക്കു​മെ​ന്ന ഇ​റാ​​ന്റെ ഭീ​ഷ​ണി​യാ​ണ് ഇ​പ്പോ​ഴ​ത്തെ മു​ഖ്യ വെ​ല്ലു​വി​ളി. അ​ങ്ങ​നെ സം​ഭ​വി​ച്ചാ​ൽ, എ​ണ്ണ​വി​ല അ​പ്ര​വ​ച​നീ​യ​മാ​യ തോ​തി​ലേ​ക്ക് ഉ​യ​രും. ഇ​റാ​നും ഒ​മാ​നും ഇ​ട​യി​ലു​ള്ള ഇ​ടു​ങ്ങി​യ ജ​ല​പാ​ത​യാ​ണ് ഹോ​ർ​മു​സ് ക​ട​ലി​ടു​ക്ക്. പേ​ർ​ഷ്യ​ൻ ഗ​ൾ​ഫി​നെ അ​റ​ബി​ക്ക​ട​ലു​മാ​യും ഒ​മാ​ൻ ഉ​ൾ​ക്ക​ട​ലു​മാ​യും ബ​ന്ധി​പ്പി​ക്കു​ന്ന ഈ ​പാ​ത​യി​ലൂ​ടെ​യാ​ണ് ആ​ഗോ​ള പെ​ട്രോ​ളി​യം, പ്ര​കൃ​തി​വാ​ത​ക വി​ത​ര​ണ​ത്തി​ന്റെ അ​ഞ്ചി​ലൊ​ന്നും ന​ട​ക്കു​ന്ന​ത്.

ഇ​റാ​ഖ്, സൗ​ദി അ​റേ​ബ്യ, യു.​എ.​ഇ തു​ട​ങ്ങി​യ പ്ര​ധാ​ന പ​ശ്ചി​മേ​ഷ്യ​ൻ രാ​ജ്യ​ങ്ങ​ളി​ൽ​നി​ന്നു​ള്ള ഇ​ന്ത്യ​യു​ടെ എ​ണ്ണ ഇ​റ​ക്കു​മ​തി​യി​ൽ ഭൂ​രി​ഭാ​ഗ​വും ഹോ​ർ​മു​സ് ക​ട​ലി​ടു​ക്ക് വ​ഴി​യാ​ണ് ഇ​ന്ത്യ​ൻ തു​റ​മു​ഖ​ങ്ങ​ളി​ൽ എ​ത്തു​ന്ന​ത്. ഖ​ത്ത​റി​ൽ​നി​ന്നു​ള്ള പ്ര​കൃ​തി​വാ​ത​കം വ​രു​ന്ന​തും പ്ര​ധാ​ന​മാ​യും ഇ​തു​വ​ഴി​യാ​ണ്. മേ​യ് മാ​സ​ത്തി​ൽ ഇ​ന്ത്യ​ൻ എ​ണ്ണ​ക്ക​മ്പ​നി​ക​ൾ ഇ​റ​ക്കു​മ​തി ചെ​യ്ത ക്രൂ​ഡ് ഓ​യി​ലി​​ന്റെ 47 ശ​ത​മാ​ന​വും ഹോ​ർ​മു​സ് ക​ട​ലി​ടു​ക്ക് വ​ഴി​യാ​ണ് വ​ന്ന​ത്.

ഹോ​ർ​മു​സ് ക​ട​ലി​ടു​ക്ക് അ​ട​ക്കു​മെ​ന്ന് ഇ​റാ​ൻ നേ​ര​ത്തേ​യും ഭീ​ഷ​ണി മു​ഴ​ക്കി​യി​ട്ടു​ണ്ടെ​ങ്കി​ലും ഇ​തു​വ​രെ ന​ട​പ്പാ​ക്കി​യി​ട്ടി​ല്ല. അ​തേ​സ​മ​യം, ഇ​ത്ത​വ​ണ അ​തു​പോ​ലെ​യാ​യി​രി​ക്കു​മെ​ന്ന് പ​റ​യാ​നു​മാ​കി​ല്ല. എ​ണ്ണ വ്യാ​പാ​ര​ത്തി​ൽ നി​ർ​ണാ​യ​ക​മാ​യ ഈ ​ക​ട​ലി​ടു​ക്ക് അ​ട​ക്കു​ന്ന സാ​ഹ​ച​ര്യ​മു​ണ്ടാ​യാ​ൽ എ​ണ്ണ​വി​ല ബാ​ര​ലി​ന് 120 ഡോ​ള​റി​ലേ​ക്കും 150 ഡോ​ള​റി​ലേ​ക്കും ഉ​യ​രാ​നു​ള്ള സാ​ധ്യ​ത​യു​ണ്ടെ​ന്ന് വി​ദ​ഗ്ധ​ർ വി​ല​യി​രു​ത്തു​ന്നു. രാ​ജ്യ​ത്തി​​ന്റെ വ്യാ​പാ​ര​ക്ക​മ്മി വ​ൻ​തോ​തി​ൽ വ​ർ​ധി​ക്കാ​ൻ ഇ​ത് ഇ​ട​യാ​ക്കും. വി​ദേ​ശ​നാ​ണ​യ ശേ​ഖ​ര​ത്തെ​യും രൂ​പ​യു​ടെ വി​നി​മ​യ​നി​ര​ക്കി​നെ​യും എ​ണ്ണ​വി​ല വ​ർ​ധ​ന പ്ര​തി​കൂ​ല​മാ​യി ബാ​ധി​ക്കും. പ​ണ​പ്പെ​രു​പ്പം കു​തി​ച്ചു​യ​രാ​നും ഈ ​സാ​ഹ​ച​ര്യം വ​ഴി​യൊ​രു​ക്കും.