പൊതുമധ്യത്തിൽ പ്രത്യക്ഷപ്പെടാത്ത താലിബാൻ നേതാവ് അഖുൻസാദ പൊതുയോഗത്തിൽ

കാബൂൾ: താലിബാന്റെ പരമോന്നത നേതാവ് ഹിബത്തുല്ല അഖുൻസാദ കാബൂളിൽ പൊതുപരിപാടിയിൽ സംബന്ധിച്ചു. കഴിഞ്ഞ ആഗസ്റ്റിൽ താലിബാൻ അധികാര​മേറ്റപ്പോഴൊന്നും അഖുൻസാദ പൊതുയിടങ്ങളിൽ മുഖം കാണിച്ചിരുന്നില്ല. കാബൂളിൽ നടക്കുന്ന പുരോഹിതൻമാരുടെ സമ്മേളനത്തിനാണ് അഖുൻസാദ എത്തിയത്.

3000 പുരോഹിതൻമാർ മൂന്നുദിവസമായി നടക്കുന്ന സമ്മേളനത്തിൽ പ​ങ്കെടുക്കുന്നുണ്ട്. വ്യാഴാഴ്ചയാണ് സമ്മേളനം തുടങ്ങിയത്. പരിപാടിയിൽ മാധ്യമങ്ങൾക്കു നിയന്ത്രണമുണ്ടാകുമെന്ന് സമ്മേളനം നടക്കുന്നതിനു മുമ്പേ അഭ്യൂഹമുയർന്നിരുന്നു. സമ്മേളനത്തിൽ വനിതകളാരും പ​ങ്കെടുത്തില്ല.

പെൺകുട്ടികളുടെ വിദ്യാഭ്യാസം തുടരുന്ന കാര്യം ഇതിൽ ചർച്ചയായെന്നും റിപ്പോർട്ടുണ്ട്. താലിബാൻ അഫ്ഗാനിൽ അധികാരം പിടിച്ചെടുത്തതു മുതൽ പെൺകുട്ടികൾക്ക് ഉന്നത വിദ്യാഭ്യാസം നിഷേധിക്കുകയും സ്ത്രീകളെ പൊതുയിടങ്ങളിൽ നിന്ന് വിലക്കുകയും ചെയ്തിരുന്നു.