ജറൂസലം: വെസ്റ്റ് ബാങ്കിൽ ഇസ്രായേൽ സൈന്യം നടത്തിയ ആക്രമണത്തിൽ ഫലസ്തീൻകാരൻ കൊല്ലപ്പെട്ടു. ജെനിന് സമീപമാണ് ഇസ്ലാമിക് ജിഹാദ് അംഗമായ മുഹമ്മദ് മറാഇ (25) ആണ് സൈന്യത്തിന്റെ വെടിവെപ്പിൽ കൊല്ലപ്പെട്ടത്.
ഫലസ്തീൻകാർ താമസിക്കുന്ന പ്രദേശത്ത് ഇസ്രായേൽ സൈന്യം നടത്തിയ റെയ്ഡിനിടയിലാണ് നെഞ്ചിൽ വെടിയേറ്റ് മറാഇ കൊല്ലപ്പെട്ടത്. പ്രദേശത്തുനിന്ന് രണ്ടു ഫലസ്തീൻകാരെ ഇസ്രായേൽ സൈന്യം അറസ്റ്റ് ചെയ്യുകയും ചെയ്തിട്ടുണ്ട്. വെസ്റ്റ് ബാങ്കിൽ ദിനേനയെന്നോണം ഇസ്രായേൽ സൈന്യം റെയ്ഡും അറസ്റ്റും നടത്തുന്നുണ്ട്.
ചെറുത്തുനിൽക്കുന്നവർക്കുനേരെ വെടിയുതിർക്കുകയും ചെയ്യും. വെസ്റ്റ് ബാങ്കിന്റെ വിവിധ ഭാഗങ്ങളിൽനിന്ന് ബുധനാഴ്ച മാത്രം 13 ഫലസ്തീൻകാരെയാണ് ഇസ്രായേൽ സൈന്യം അറസ്റ്റ് ചെയ്തത്. ഈവർഷം 60ലധികം ഫലസ്തീൻകാരാണ് വെസ്റ്റ് ബാങ്കിൽ ഇസ്രായേൽ ആക്രമണത്തിൽ കൊല്ലപ്പെട്ടത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.