മാലദ്വീപ് മുൻ പ്രസിഡന്റിന് 11 വർഷം തടവ്

മാലെ: മാലദ്വീപ് മുൻ പ്രസിഡന്റ് അബ്ദുല്ല യാസീന് കള്ളപ്പണ, അഴിമതി കേസുകളിൽ ക്രിമിനൽ കോടതി 11 വർഷം തടവുശിക്ഷ വിധിച്ചു. 50 ലക്ഷം ഡോളർ പിഴയടക്കാനും വിധിച്ചിട്ടുണ്ട്. സർക്കാർ ഉടമസ്ഥതയിലുള്ള ദ്വീപ് പാട്ടത്തിന് നൽകാൻ കൈക്കൂലി വാങ്ങിയെന്നാണ് കേസ്.

2013-18 കാലത്തായിരുന്നു അദ്ദേഹം പ്രസിഡന്റായിരുന്നത്. 2019ൽ മറ്റൊരു കേസിൽ അദ്ദേഹത്തിന് അഞ്ചുവർഷം തടവുശിക്ഷ വിധിച്ചിരുന്നു. എന്നാൽ, രണ്ടു വർഷത്തിനുശേഷം സുപ്രീംകോടതി ശിക്ഷ റദ്ദാക്കി. 2018ലെ തെരഞ്ഞെടുപ്പിൽ അബ്ദുല്ല യാസീന് പകരം ഇബ്രാഹിം മുഹമ്മദ് സ്വാലിഹ് പ്രസിഡന്റായി.