പ​രി​സ്ഥി​തി നാ​ശം: ന​ഷ്ട​പ​രി​ഹാ​ര നി​ധി​ക്ക് കാലാവസ്ഥ ഉ​ച്ച​കോ​ടി അം​ഗീ​കാ​രം

ശ​റ​മു​ശൈ​ഖ്: പ​രി​സ്ഥി​തി​നാ​ശ​ത്തി​ന് പ്ര​ത്യേ​ക ന​ഷ്ട​പ​രി​ഹാ​ര നി​ധി രൂ​പ​വ​ത്ക​രി​ക്കാ​ൻ ഈ​ജി​പ്തി​ലെ ശ​റ​മു​ശൈ​ഖി​ൽ ന​ട​ന്ന ഐ​ക്യ​രാ​ഷ്ട്ര സ​ഭ കാ​ലാ​വ​സ്ഥ ഉ​ച്ച​കോ​ടി തീ​രു​മാ​നി​ച്ചു. നി​ര​ന്ത​ര ന​യ​ത​ന്ത്ര ച​ർ​ച്ച​ക​ൾ​ക്കും വി​ല​പേ​ശ​ലു​ക​ൾ​ക്കും ഒ​ടു​വി​ലാ​ണ് ഫ​ണ്ട് രൂ​പ​വ​ത്ക​രി​ക്കാ​മെ​ന്ന് ധാ​ര​ണ​യാ​യ​ത്. കാ​ലാ​വ​സ്ഥാ കെ​ടു​തി​ക​ളാ​ൽ വ​ല​യു​ന്ന ദ​രി​ദ്ര​രാ​ജ്യ​ങ്ങ​ളെ സ​ഹാ​യി​ക്കാ​ൻ സ​മ്പ​ന്ന രാ​ജ്യ​ങ്ങ​ൾ തു​ക ന​ൽ​കും.

വി​ക​സി​ത രാ​ജ്യ​ങ്ങ​ളി​ലാ​ണ് ആ​ഗോ​ള താ​പ​ന​ത്തി​നും കാ​ലാ​വ​സ്ഥ വ്യ​തി​യാ​ന​ത്തി​നും കാ​ര​ണ​മാ​കു​ന്ന കാ​ര്യ​ങ്ങ​ൾ കൂ​ടു​ത​ൽ ന​ട​ക്കു​ന്ന​തെ​ന്നും എ​ന്നാ​ൽ, ദ​രി​ദ്ര രാ​ജ്യ​ങ്ങ​ളും ഇ​തി​ന്റെ ബു​ദ്ധി​മു​ട്ട് അ​നു​ഭ​വി​ക്കു​ന്നു​വെ​ന്നു​മു​ള്ള ആ​ക്ഷേ​പ​ത്തി​ന്റെ പ​ശ്ചാ​ത്ത​ല​ത്തി​ലാ​ണ് ന​ഷ്ട​പ​രി​ഹാ​ര ഫ​ണ്ട് രൂ​പ​വ​ത്ക​രി​ക്കാ​ൻ തീ​രു​മാ​നി​ച്ച​ത്.

പ​രി​സ്ഥി​തി​നാ​ശ​ത്തി​ന്റെ പ​രി​ഹാ​ര​പ്ര​വ​ർ​ത്ത​ന​ങ്ങ​ൾ​ക്കാ​യി തു​ക വി​നി​യോ​ഗി​ക്കും. കാ​ലാ​വ​സ്ഥ വ്യ​തി​യാ​ന​ത്തി​ന്റെ ദു​രി​തം പേ​റു​ന്ന​തി​ന് ന​ഷ്ട​പ​രി​ഹാ​രം ന​ൽ​ക​ണ​മെ​ന്ന​ത് വി​ക​സ്വ​ര, ദ​രി​ദ്ര രാ​ജ്യ​ങ്ങ​ളു​ടെ മൂ​ന്നു പ​തി​റ്റാ​ണ്ടാ​യു​ള്ള ആ​വ​ശ്യ​മാ​ണ്.

ഏ​തൊ​ക്കെ രാ​ജ്യ​ങ്ങ​ൾ എ​ത്ര തു​ക വീ​തം ന​ൽ​കു​മെ​ന്ന് പ്ര​ഖ്യാ​പി​ച്ചി​ട്ടി​ല്ല. ന​വം​ബ​ർ ആ​റു​മു​ത​ൽ ന​ട​ന്ന യു.​എ​ൻ കാ​ലാ​വ​സ്ഥ ഉ​ച്ച​കോ​ടി​യി​ൽ 200 രാ​ജ്യ​ങ്ങ​ളി​ലെ പ്ര​തി​നി​ധി​ക​ളാ​ണ് പ​​ങ്കെ​ടു​ത്ത​ത്. അ​തേ​സ​മ​യം, കാ​ലാ​വ​സ്ഥ വ്യ​തി​യാ​ന​ത്തി​നും കാ​ർ​ബ​ൺ പു​റ​ന്ത​ള്ള​ലി​നു​മെ​തി​രെ ലോ​ക​വ്യാ​പ​ക​മാ​യി വി​ശാ​ല ക​രാ​ർ രൂ​പ​വ​ത്ക​രി​ക്കു​ന്ന​തി​ൽ തീ​രു​മാ​ന​മാ​യി​ല്ല.