പഠനത്തിനായി ജസീന്ത ഹാർവഡിലേക്ക്

വെലിങ്ടൺ: ന്യൂസിലൻഡ് മുൻ പ്രധാനമന്ത്രി ജസീന്ത ആർഡേൺ പഠനപ്രവർത്തനങ്ങൾക്കായി ഹാർവഡ് സർവകലാശാലയിലേക്ക് പോകുന്നു. ഈ വർഷം അവസാനത്തോടെയാകും അവർ യു.എസിലെത്തുക.

ലോകമെമ്പാടുമുള്ള വനിതകളുടെ ‘റോൾ മോഡൽ’ എന്ന് പേരെടുത്ത ജസീന്തക്ക് ഹാർവഡ് കെന്നഡി സ്കൂളിലെ പഠനത്തിനായി രണ്ട് ഫെലോഷിപ്പുകൾ ലഭിച്ചിട്ടുണ്ട്. പുറമെ, ഹാർവഡ് ലോ സ്കൂളിൽനിന്ന് ‘നൈറ്റ് ടെക് ഗവേണൻസ് ലീഡർഷിപ് ഫെലോ’ ആയും അവരെ തിരഞ്ഞെടുത്തിട്ടുണ്ട്. ഏറെ സന്തോഷത്തോടെയാണ് ഹാർവഡിലേക്ക് പോകുന്നതെന്ന് ജസീന്ത പറഞ്ഞു.