ഇ​സ്രാ​യേ​ൽ ഉ​പ​രോ​ധം: അ​തി​ർ​ത്തി ക​ട​ന്നെത്തി​യ ഭ​ക്ഷ്യ​സാ​ധ​ന​ങ്ങ​ൾ ഗസ്സയിൽ ഇ​തു​വ​രെ വി​ത​ര​ണം​ ചെ​യ്തില്ല

ഗ​സ്സ: ഗ​സ്സ​യി​ൽ മാ​നു​ഷി​ക​സ​ഹാ​യ​മെ​ത്തി​ക്കു​ന്ന​തി​നു​ള്ള പു​തി​യ വി​ത​ര​ണ​സം​വി​ധാ​നം ദി​വ​സ​ങ്ങ​ൾ​ക്ക​കം നി​ല​വി​ൽ വ​രു​മെ​ന്ന് ഇ​സ്രാ​യേ​ൽ പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു. ഹ​മാ​സി​ന് നി​യ​ന്ത്ര​ണ​മി​ല്ലാ​ത്ത വി​ത​ര​ണ​സം​വി​ധാ​ന​മാ​ണ് ഇ​സ്രാ​യേ​ൽ ത​യാ​റാ​ക്കു​ന്ന​ത്. അ​തേ​സ​മ​യം, പു​തി​യ സം​വി​ധാ​ന​ത്തി​നെ​തി​രെ അ​ന്താ​രാ​ഷ്ട്ര​ത​ല​ത്തി​ൽ വി​മ​ർ​ശ​നം ഉ​യ​രു​ന്നു​ണ്ട്.

പു​തി​യ വെ​ടി​നി​ർ​ത്ത​ൽ ച​ർ​ച്ച​ക​ൾ എ​ങ്ങു​മെ​ത്താ​തി​രി​ക്കെ, ഗ​സ്സ​യി​ൽ പ​ട്ടി​ണി​യും ദു​രി​ത​വും രൂ​ക്ഷ​മാ​യി തു​ട​രു​ക​യാ​ണ്. ഹ​മാ​സ് മു​ഴു​വ​ൻ ബ​ന്ദി​ക​ളെ​യും മോ​ചി​പ്പി​ക്കു​ക​യും അ​ധി​കാ​ര​ത്തി​ൽ​നി​ന്ന് ഒ​ഴി​യു​ക​യും​ചെ​യ്താ​ൽ മാ​ത്ര​മേ യു​ദ്ധം അ​വ​സാ​നി​പ്പി​ക്കൂ എ​ന്നാ​ണ് നെ​ത​ന്യാ​ഹു പ​റ​ഞ്ഞി​രി​ക്കു​ന്ന​ത്.

അ​ന്താ​രാ​ഷ്ട്ര സ​മ്മ​ർ​ദ​ത്തെ​ത്തു​ട​ർ​ന്ന് ഭ​ക്ഷ്യ​സാ​ധ​ന​ങ്ങ​ളു​മാ​യി എ​ത്തി​യ നി​ര​വ​ധി ട്ര​ക്കു​ക​ൾ ക​ഴി​ഞ്ഞ​ദി​വ​സം ഇ​സ്രാ​യേ​ൽ ഗ​സ്സ​യി​ലേ​ക്ക് ക​ട​ത്തി​വി​ട്ടി​രു​ന്നു. മൂ​ന്ന് മാ​സ​ത്തോ​ള​മാ​യി ഭ​ക്ഷ്യ​സാ​ധ​ന​ങ്ങ​ൾ, മ​രു​ന്ന്, ഇ​ന്ധ​നം തു​ട​ങ്ങി​യ​വ​യെ​ല്ലാം ഗ​സ്സ​യി​ൽ എ​ത്തു​ന്ന​ത് ഇ​സ്രാ​യേ​ൽ ഉ​പ​രോ​ധി​ച്ചി​രി​ക്കു​ക​യാ​ണ്. അ​തേ​സ​മ​യം, അ​തി​ർ​ത്തി ക​ട​ന്നെ​ത്തി​യ ഭ​ക്ഷ്യ​സാ​ധ​ന​ങ്ങ​ൾ ഇ​തു​വ​രെ വി​ത​ര​ണം​ചെ​യ്യാ​നാ​യി​ട്ടി​ല്ല. തി​ങ്ക​ളാ​ഴ്ച മു​ത​ൽ എ​ത്തി​യ സാ​ധ​ന​ങ്ങ​ൾ യു.​എ​ൻ ട്ര​ക്കു​ക​ളി​ലേ​ക്ക് ക​യ​റ്റി ബു​ധ​നാ​ഴ്ച രാ​ത്രി മ​ധ്യ ഗ​സ്സ​യി​ലെ സം​ഭ​ര​ണ കേ​ന്ദ്ര​ത്തി​ലെ​ത്തി​ച്ചു. ബു​ധ​നാ​ഴ്ച 100 ട്ര​ക്കു​ക​ൾ ഗ​സ്സ​യി​ൽ എ​ത്തി​യ​താ​യി ഇ​സ്രാ​യേ​ൽ അ​റി​യി​ച്ചു. ഉ​പ​രോ​ധം അ​വ​സാ​നി​പ്പി​ക്കു​ന്നി​ല്ലെ​ങ്കി​ൽ ഗ​സ്സ കൊ​ടും പ​ട്ടി​ണി​യി​ലേ​ക്ക് നീ​ങ്ങു​മെ​ന്ന് ഭ​ക്ഷ്യ​സു​ര​ക്ഷാ വി​ദ​ഗ്ധ​ർ മു​ന്ന​റി​യി​പ്പ് ന​ൽ​കി​യി​ട്ടു​ണ്ട്.

നെ​ത​ന്യാ​ഹു​വി​നെ​തി​രാ​യ വാ​റ​ന്റ് പി​ൻ​വ​ലി​ക്ക​രു​തെ​ന്ന് ഐ.​സി.​സി പ്രോ​സി​ക്യൂ​ട്ട​ർ​മാ​ർ

ഹേ​ഗ്: പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു, മു​ൻ പ്ര​തി​രോ​ധ മ​ന്ത്രി യേ​വ് ഗാ​ല​ന്റ് എ​ന്നി​വ​ർ​ക്കെ​തി​രാ​യ അ​റ​സ്റ്റ് വാ​റ​ന്റ് റ​ദ്ദാ​ക്ക​ണ​മെ​ന്ന ഇ​സ്രാ​യേ​ലി​​ന്റെ അ​പേ​ക്ഷ ത​ള്ള​ണ​മെ​ന്ന് അ​ന്താ​രാ​ഷ്ട്ര ക്രി​മി​ന​ൽ കോ​ട​തി (ഐ.​സി.​സി) പ്രോ​സി​ക്യൂ​ട്ട​ർ​മാ​ർ ജ​ഡ്ജി​മാ​രോ​ട് ആ​വ​ശ്യ​പ്പെ​ട്ടു. വാ​റ​ന്റ് പി​ൻ​വ​ലി​ക്ക​ണ​മെ​ന്ന ആ​വ​ശ്യ​ത്തി​ന് അ​ടി​സ്ഥാ​ന​മി​ല്ലെ​ന്ന് 10 പേ​ജ് വ​രു​ന്ന പ്ര​സ്താ​വ​ന​യി​ൽ പ്രോ​സി​ക്യൂ​ട്ട​ർ​മാ​ർ ചൂ​ണ്ടി​ക്കാ​ട്ടി. ഐ.​സി.​സി വെ​ബ്സൈ​റ്റി​ൽ പ്ര​സ്താ​വ​ന പ്ര​സി​ദ്ധീ​ക​രി​ച്ചി​ട്ടു​ണ്ട്. ക​ഴി​ഞ്ഞ ന​വം​ബ​റി​ലാ​ണ് നെ​ത​ന്യാ​ഹു​വി​നും ഗാ​ല​ന്റി​നു​മെ​തി​രെ ഐ.​സി.​സി അ​റ​സ്റ്റ് വാ​റ​ന്റ് പു​റ​പ്പെ​ടു​വി​ച്ച​ത്.