ലണ്ടൻ: രാജാവായാൽ വിവാദവിഷയങ്ങളിൽ ഇടപെടില്ലെന്ന് ബ്രിട്ടൻ കിരീടാവകാശിയായ ചാൾസ് രാജകുമാരൻ. 92കാരിയായ എലിസബത്ത് രാജ്ഞിയുടെ മകനായ ചാൾസിെൻറ 70ാം ജന്മദിനത്തിനുമുമ്പ് ബി.ബി.സിക്ക് നൽകിയ അഭിമുഖത്തിലാണ് ഇക്കാര്യം വ്യക്തമാക്കിയത്. രാജാവായാൽ പൊതുകാര്യങ്ങളിൽ ഇടപെടുന്നത് തുടരുമോ എന്ന ചോദ്യത്തിന് ഞാൻ വിഡ്ഢിയല്ലെന്നായിരുന്നു മറുപടി.
വിവിധ സാമൂഹിക-പരിസ്ഥിതി വിഷയങ്ങളിൽ ഇദ്ദേഹം നിലപാട് വ്യക്തമാക്കാറുണ്ട്. ഇക്കാര്യം ചൂണ്ടിക്കാട്ടിയാണ് ചോദ്യമുന്നയിച്ചത്. രാജാധിപത്യം നിലവിലുള്ള ബ്രിട്ടനിൽ പരിമിതമായ അധികാരം മാത്രമാണ് രാജാവിനുള്ളത്. പ്രായോഗിക രാഷ്ട്രീയത്തിൽ ഇടപെടാതെ രാജാവ് നിഷ്പക്ഷമായ നിലപാട് സ്വീകരിക്കണം എന്നതാണ് നിയമം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.