ഹെൽസിങ്കി: ലോക പ്രശസ്തനായ മലയാളി ചിരതകാരൻ രാജാ രവിവർമയുടെ കലാ സൃഷ്ടികൾക്ക് പുതുജീവനേകി ഫിന്‍ലന്‍ഡിലെ മല യാളീ അസോസിയേഷന്‍. തലസ്ഥാനമായ ഹെൽസിങ്കിയിൽ ‘ഇന്ത്യ ഡേ 2019’ എന്ന പരിപാടിയിലാണ് മലയാളി അസോസിയേഷൻ അംഗങ്ങൾ നാല ് രവിവർമ ചിത്രങ്ങൾ പുനരവതരിപ്പിച്ചത്. സ്വാതി തിരുനാളിൻെറ കൃതികൾക്ക് ഫിന്‍ലന്‍ഡിലെ മലയാളി നര്‍ത്തകികൾ ചുവടുകൾ വെച്ചത് വേറിട്ട അനുഭവമായി.
മോഹിനിയാട്ടവും ഭരതനാട്യവും ഇടകലർത്തി രവിവർമ ചിത്രങ്ങളായ പാൽക്കുടമേന്തിയ സ്ത്രീയും വസന്തസേനയും പൂജയ്ക്ക് പോകുന്ന സ്ത്രീയും ദമയന്തിയും ഇരുപതിനായിരം പേരടങ്ങുന്ന സദസ്സിനു മുന്നിൽ ചുവടുകൾ വെച്ചു. കേരളത്തിനമ പകർന്ന് കഥകളിക്കു സമാനമായ വേഷവിധാനം കൂടെ ചേർന്നപ്പോൾ വേദി വർണാഭമായി.
ഇന്ത്യയിലെ മിക്ക സംസ്ഥാനങ്ങളിൽനിന്നുമുള്ള കലാകാരന്മാരുടെ ആവിഷ്കാരങ്ങൾ പരിപാടിക്ക് മാറ്റേകി. ഇന്ത്യന്‍അംബാസഡർ വാണി റാവു ഉദ്ഘാടനം ചെയ്ത ചടങ്ങില്‍ ഹെല്‍സിങ്കി മേയർ പങ്കെടുത്തു. നാലാം തവണയാണ് ‘ഇന്ത്യ ഡേ’ എന്ന പരുപാടി ഫിന്‍ലാന്‍ഡിൽ അരങ്ങേറുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.