ലണ്ടൻ: ശീതള പാനീയവുമായി ഇംഗ്ലണ്ടിലേക്ക് കടക്കുന്ന ശീതീകരിച്ച ലോറിയിൽ ഒളിച്ചു കടക്കാൻ ശ്രമിച്ച കുട്ടികളുൾപ്പെടെ 21 പേരെ പിടികൂടി. ദക്ഷിണ ഇംഗ്ലണ്ടിലെ ന്യുഹാവൻ പോർട്ടിലെ അതിർത്തി സേന നടത്തിയ പരിശോധനയിലാണ് ഇവരെ പിടികൂടിയത്.
സംഘത്തിലെ 15 േപർ പന്ത്രണ്ടിനോടടുത്ത പ്രായത്തിലുള്ള കുട്ടികളായിരുന്നു. ഇവർ വിയറ്റ്നാമിൽ നിന്നുള്ള സംഘമാണെന്നാണ് കരുതുന്നത്. ഇംഗ്ലണ്ടിലേക്ക് നിയമവിരുദ്ധമായി കടക്കാൻ ഇവരെ സഹായിച്ചതിന് വാഹനത്തിെൻറ ഡ്രൈവറെന്നു കരുതുന്ന റൊമേനിയക്കാരനെതിരെ കേസെടുത്തിട്ടുണ്ട്.
കുട്ടികളെ സാമൂഹ്യ പ്രവർത്തകരുടെ സംരക്ഷണയിലാക്കിയിരിക്കുകയാണ്. ഇവർ ഇംഗ്ലണ്ടിലെത്തിയതിനെ കുറിച്ച് അന്വേഷണം ആരംഭിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.