ജറൂസലം: തെക്കന്‍ ഇസ്രായേലില്‍ വീടുകള്‍ പൊളിച്ചുമാറ്റാനുള്ള ഇസ്രായേലിന്‍െറ നീക്കത്തില്‍ പ്രതിഷേധിച്ച രണ്ട് ഫലസ്തീനികള്‍ വെടിയേറ്റു മരിച്ചു. സംഭവത്തില്‍ പരിക്കേറ്റ ഇസ്രായേല്‍ പൊലീസുകാരനും മരിച്ചു. നെജേവ് മരുഭൂമിക്കടുത്ത ഉമ്മുല്‍ഹിറാന്‍ ഗ്രാമത്തിലാണ് സംഭവം. വീടുകള്‍ പൊളിച്ചുമാറ്റുന്നത് തടയുന്നതുമായി ബന്ധപ്പെട്ട ചര്‍ച്ചകള്‍ക്കിടെ പൊലീസുകാരന്‍ വാഹനമിടിച്ചു കയറ്റുകയായിരുന്നു. ഈ മേഖലയില്‍ പതിവായി ഇസ്രായേല്‍ അധികൃതര്‍ ഫലസ്തീനികളുടെ വീടുകള്‍ പൊളിച്ചുമാറ്റാറുണ്ട്. മധ്യ ഇസ്രായേലിലെ 11 വീടുകള്‍ പൊളിച്ചുമാറ്റിയതിനെതിരെ ഫലസ്തീനികള്‍ ദേശവ്യാപക പ്രതിഷേധസമരം നടത്തിയിരുന്നു. പെര്‍മിറ്റില്ലാതെ നിര്‍മിച്ചതാണെന്ന് ആരോപിച്ചാണ് വീടുകള്‍ പൊളിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.