ടോക്കിയോ: ട്രെയിൻ 20 സെക്കൻറ് നേരത്തെ പോയതിന് ജപ്പാനിൽ റെയിൽവേ കമ്പനി യാത്രക്കാരോട് മാപ്പുചോദിച്ചു. സുകുബ എക്സ്പ്രസാണ് തീരുമാനിച്ചതിലും 20 സെക്കൻറ് നേരത്തെ പോയത്. ചൊവ്വാഴ്ചയായിരുന്നു സംഭവം.
മിനാമി-നഗരേയമ സ്റ്റേഷനിൽ കൃത്യ സമയത്ത് (9:43:40 ന്)എത്തിയ ട്രെയിൻ ഒരു മിനുട്ട് കഴിഞ്ഞ് 9:44:40നായിരുന്നു യാത്ര പുറപ്പെടേണ്ടത്. എന്നാൽ 20 സെക്കൻറ് നേരത്തെ 9:44:20ന് ട്രെയിൽ സ്റ്റേഷനിൽ നിന്ന് പുറപ്പെട്ടു. തുടർന്നാണ് റെയിൽവേ ഒാപ്പറേറ്ററായ സ്വകാര്യ കമ്പനി ഖേദം പ്രകടിപ്പിച്ചത്.
ഇൗ പ്രശ്നം യാത്രക്കാർ ശ്രദ്ധിക്കുകയോ പരാതി നൽകുകയോ ചെയ്തിട്ടില്ല. എന്നാൽ പ്രശ്നം ഗുരുതരമാണെന്ന് കരുതുന്ന ഒാപ്പറേറ്റർ മാപ്പ് അപേക്ഷിക്കുകയായിരുന്നു. ഇത്തരം പ്രശ്നങ്ങൾ ഒഴിവാക്കാൻ നടപടി ക്രമങ്ങൾ കൃത്യമായി പാലിക്കണമെന്ന് റെയിൽവേ ജീവനക്കാരോട് ആവശ്യപ്പെട്ടിട്ടുണ്ടെന്നും കമ്പനി മാപ്പപേക്ഷയിൽ അറിയിച്ചു.
അകിഹബറ സ്റ്റേഷനിൽ നിന്ന് ടോക്കിയോയിലേക്കുള്ളതാണ് ട്രെയിൻ. ഒരു മണിക്കൂറാണ് യാത്രാ ൈദർഘ്യം. ആർക്കെങ്കിലും ട്രെയിനിൽ കയറാൻ സാധിച്ചില്ലെങ്കിൽ നാലു മിനുട്ടിനു ശേഷം മാത്രമേ ഇതേ വഴിക്ക് വീണ്ടും ട്രെയിൻ ലഭിക്കൂ. ട്രെയിൻ സർവീസിെൻറ ചെറിയ പിഴവുകൾ പോലും ജനങ്ങളെ ബാധിക്കുമെന്നും വാർത്ത റിപ്പോർട്ട് ചെയ്ത സോറ ന്യൂസ് 24 വിവരിക്കുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.