ഹോ​​ങ്കോ​ങ്ങി​ലെ പ്ര​തി​ഷേ​ധം വി​ജ​യി​ച്ചു

ഹോ​​ങ്കോ​ങ്​ സി​റ്റി: ഹോ​​​​​​ങ്കോ​ങ്ങി​ൽ വ​ൻ പ്ര​തി​ഷേ​ധ​ങ്ങ​ൾ​ക്കു വ​ഴി​വെ​ച്ച, കു​റ്റ​വാ​ളി​ക​ളെ വി​ചാ​ര​ണ​ക്കാ​യി ചൈ​ന​ക്കു കൈ​മാ​റു​ന്ന വി​വാ​ദ ബി​ൽ​ പി​ൻ​വ​ലി​ച്ചു. ഇ​തോ​ടെ മാ​സ​ങ്ങ​ളാ​യി തു​ട​രു​ന്ന പ്ര​ക്ഷോ​ഭം വി​ജ​യം ക​ണ്ടു. ടെ​ലി​വി​ഷ​നി​ലൂ​ടെ ജ​ന​ങ്ങ​ളെ അ​ഭി​സം​ബോ​ധ​ന ചെ​യ്​​താ​ണ്​ ഹോ​​ങ്കോ​ങ്​ ചീ​ഫ്​ എ​ക്​​സി​ക്യൂ​ട്ടി​വ്​ ബി​ൽ​ ഔ​ദ്യോ​ഗി​ക​മാ​യി പി​ൻ​വ​ലി​ക്കു​ന്ന​താ​യി അ​റി​യി​ച്ച​ത്. ജ​ന​ങ്ങ​ളു​ടെ ഹി​തം മാ​നി​ക്കു​ന്നതായും അ​വ​ർ പ​റ​ഞ്ഞു.

ജ​നാ​ധി​പ​ത്യ പ്ര​ക്ഷോ​ഭ​ക​രു​ടെ പ്ര​ധാ​ന ആ​വ​ശ്യ​ങ്ങ​ളി​ലൊ​ന്നാ​യി​രു​ന്നു ബിൽ പിൻവലിക്കൽ. ഇ​ക്ക​ഴി​ഞ്ഞ ഏ​പ്രി​ലി​ലാ​ണ്​ ലാം ​ബി​ൽ​ കൊ​ണ്ടു​വ​ന്ന​ത്. പ​തി​നാ​യി​ര​ങ്ങ​ൾ പ്ര​തി​ഷേ​ധ​വു​മാ​യി തെ​രു​വി​ലി​റ​ങ്ങി​യ​തോ​ടെ ബി​ൽ താ​ൽ​ക്കാ​ലി​ക​മാ​യി റ​ദ്ദാ​ക്കി. എ​ന്നാ​ൽ, പൂ​ർ​ണ​മാ​യി പി​ൻ​വ​ലി​ക്കു​ന്ന​തു വ​രെ പ്ര​ക്ഷോ​ഭം തു​ട​രു​മെ​ന്ന്​ സ​മ​ര​ക്കാ​ർ അ​റി​യി​ച്ചു. ഇ​തോ​ടൊപ്പം കാ​രീ ലാം ​രാ​ജി വെ​ക്ക​ണ​മെ​ന്നും ചൈ​ന​ക്കു കീ​ഴി​ലെ അ​ർ​ധ സ്വ​യം ഭ​ര​ണ​കേ​ന്ദ്ര​മാ​യ ഹോ​​​​​​ങ്കോ​ങ്ങി​ന്​ പൂ​ർ​ണ സ്വാ​ത​ന്ത്ര്യം വേ​ണ​മെ​ന്നും പ്ര​ക്ഷോ​ഭ​ക​ർ ആ​വ​ശ്യ​പ്പെ​ട്ടു.

പൊ​ലീ​സ്​ അ​ടി​ച്ച​മ​ർ​ത്താ​ൻ തു​ട​ങ്ങി​യ​പ്പോ​ൾ സ​മാ​ധാ​ന​മാ​യി തു​ട​ങ്ങി​യ പ്ര​ക്ഷോ​ഭം അ​ക്ര​മാ​സ​ക്ത​മാ​യി. നൂ​റു​ക​ണ​ക്കി​നു പേ​രെ പൊ​ലീ​സ്​ അ​റ​സ്​​റ്റ്​ ചെ​യ്​​തു. പ്ര​ക്ഷോ​ഭം പൊ​ലീ​സ്​ ക്രൂ​ര​മാ​യി അ​ടി​ച്ച​മ​ർ​ത്തി​യ​തി​നെ​ക്കു​റി​ച്ച്​ അ​ന്വേ​ഷി​ക്കാ​ൻ ര​ണ്ട്​ മു​തി​ർ​ന്ന ഉ​ദ്യോ​ഗ​സ്​​ഥ​ർ അ​ന്വേ​ഷി​ക്കു​മെ​ന്നും ലാം ​വ്യ​ക്ത​മാ​ക്കി.

ഇ​തി​ൽ സ്വ​ത​ന്ത്രാ​ന്വേ​ഷ​ണം ന​ട​ത്ത​ണ​മെ​ന്നും അ​റ​സ്​​റ്റ്​ ചെ​യ്​​ത​വ​രെ നി​രു​പാ​ധി​കം വി​ട്ട​യ​ക്ക​ണ​മെ​ന്നും പ്ര​ക്ഷോ​ഭ​ക​ർ ആ​വ​ശ്യ​പ്പെ​ട്ടി​രു​ന്നു. പ്ര​തി​ഷേ​ധം അ​വ​സാ​നി​ക്കാ​ത്ത സാ​ഹ​ച​ര്യ​ത്തി​ൽ ക​ഴി​യു​മാ​യി​രു​ന്നു​വെ​ങ്കി​ൽ താ​ൻ രാ​ജി​വെ​ക്കു​മാ​യി​രു​ന്നു​വെ​ന്ന്​ പ​റ​യു​ന്ന ലാ​മി​​െൻറ ശ​ബ്​​ദ​രേ​ഖ പു​റ​ത്താ​യി​രു​ന്നു.