റിയാദ്: സൗദിയില് ഞായറാഴ്ച നാലു പുതിയ കോവിഡ് 19 കേസുകള് കൂടി സ്ഥിരീകരിച്ചു. ആകെ രോഗ ബാധിതരുടെ എണ്ണം ഇതോടെ 11 ആയി. കുവൈത്തിൽ ഞായറാഴ്ച മൂന്ന് പേർക്ക് കൂടി കോവിഡ് 19 വൈറസ് ബാധിച്ചതായി സ്ഥിരീകരിച്ചതോടെ രോഗം ബാധിച്ചവരു ടെ എണ്ണം 64 ആയി. ഖത്തറിൽ മൂന്നുപേർക്ക് കൂടി സ്ഥിരീകരിച്ചതോടെ ആകെ രോഗികൾ 15 ആയി.
സൗദിയിൽ രോഗം സ്ഥിരീകരിച്ചവരില് മൂന്ന് പേര് നേരത്തെ രോഗം സ്ഥിരീകരിച്ചവരുമായി സമ്പര്ക്കം പുലര്ത്തിയവരാണ്. നാലാമത്തെയാള് യു.എ.ഇ വഴി ഇറാനില് നിന്നെത്തിയതായിരുന്നു. ഇദ്ദേഹം ഇറാനില് പോയ കാര്യം വെളിപ്പെടുത്തിയിരുന്നില്ല.
കുവൈത്തിൽ ഞായറാഴ്ച രാവിലെ ഒന്നും ഉച്ചക്കുശേഷം രണ്ട് കേസുകളുമാണ് സ്ഥിരീകരിച്ചതെന്ന് ആരോഗ്യ മന്ത്രാലയം അറിയിച്ചു. എല്ലാവരും ഇറാനിൽനിന്ന് കൊണ്ടുവന്ന് ക്യാമ്പിൽ പാർപ്പിച്ച കുവൈത്തികളാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.