കൈറോ: സൈന്യം ജയിലിലടച്ച 17 ബ്രദര്‍ഹുഡ് നേതാക്കളെ സന്ദര്‍ശിക്കുന്നതിന് കുടുംബത്തിന് വിലക്ക്. ഈജിപ്തിലെ കുപ്രസിദ്ധ അല്‍ അഖ്റാബ് ജയിലിലാണ് ഇവരെ പാര്‍പ്പിച്ചിരിക്കുന്നത്. പ്രത്യേകിച്ച് കാരണങ്ങളൊന്നും ചൂണ്ടിക്കാണിക്കാതെയാണ് അധികൃതര്‍ ജയില്‍ സന്ദര്‍ശനത്തിന് വിലക്കേര്‍പ്പെടുത്തിയതെന്ന് ബന്ധുക്കള്‍ പറയുന്നു. തടവില്‍ കഴിയുന്നവര്‍ക്ക് മരുന്നും ഭക്ഷണവും വസ്ത്രവുമത്തെിക്കുന്നതും നിരോധിച്ചിട്ടുണ്ട്. ഈ തടവറയില്‍വെച്ച് മതിയായ ചികിത്സയും ഭക്ഷണവും ലഭിക്കാതെ ചില ബ്രദര്‍ഹുഡ് നേതാക്കള്‍ കൊല്ലപ്പെട്ടതായും റിപ്പോര്‍ട്ടുണ്ടായിരുന്നു. എന്നാല്‍, ഇക്കാര്യം ഈജിപ്ത് ആഭ്യന്തരമന്ത്രാലയം തള്ളിക്കളയുകയായിരുന്നു. പ്രതിദിനം തടവുകാരെ സന്ദര്‍ശിക്കാനും അവര്‍ക്ക് ഭക്ഷണവും മരുന്നും നല്‍കാനുമുള്ള അനുമതി നല്‍കണമെന്നാണ് ബന്ധുക്കളുടെ ആവശ്യം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.