വാഷിങ്ടൺ: മെക്സിക്കോയിൽ നിന്ന് അമേരിക്കയിലേക്ക് എത്തുന്ന ഉൽപന്നങ്ങൾക്ക് അഞ്ച് ശതമാനം നികുതി ഏർപ്പെ ടുത്തി പ്രസിഡൻറ് ഡോണൾഡ് ട്രംപ്. അമേരിക്കയിലേക്ക് മെക്സിക്കോയിൽ നിന്നുള്ള കുടിയേറ്റം തടയുന്നതിനായാണ് നികുതി ഏർപ്പെടുത്തിയതെന്ന് ട്രംപ് അറിയിച്ചു. കുടിയേറ്റം പൂർണ്ണമായും അവസാനിക്കുന്നത് വരെ അധിക നികുതി തുടരും. ഘട്ടം ഘട്ടമായി നികുതി നിരക്ക് വർധിപ്പിക്കുമെന്നും ട്രംപ് ട്വിറ്ററിലൂടെ വ്യക്തമാക്കി.
ജൂലൈ ഒന്ന് മുതൽ നികുതി 10 ശതമാനമായി വർധിപ്പിക്കാനാണ് ട്രംപിൻെറ നീക്കം. ഓരോ മൂന്ന് മാസത്തിലും നികുതി നിരക്കുകളിൽ അഞ്ച് ശതമാനത്തിൻെറ വരെ വർധനയുണ്ടാകുമെന്നാണ് റിപ്പോർട്ടുകൾ. അമേരിക്കയിലേക്കുള്ള അനധികൃത കുടിയേറ്റ വിഷയത്തിൽ മെക്സിക്കോ നടപടി സ്വീകരിക്കുന്നത് വരെ നികുതി തുടരുമെന്നും ട്രംപ് അറിയിച്ചു.
മെക്സികോയിൽ നിന്നുള്ള കുടിയേറ്റം തടയുന്നതിനായി ട്രംപ് ദേശീയ അടിയന്തരാവസ്ഥ പ്രഖ്യാപിച്ചിരുന്നു. ഇതിന് പിന്നാലെയാണ് പുതിയ നടപടിയുമായി അമേരിക്കൻ പ്രസിഡൻറ് രംഗത്തെത്തുന്നത്. അതേസമയം, അധിക നികുതി ഏർപ്പെടുത്തിയതിനെതിരെ മെക്സികോ ശക്തമായ പ്രതിഷേധം രേഖപ്പെടുത്തിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.