വാഷിങ്ടൺ: ആഗോള ശക്തിയായി ഇന്ത്യ വളരുന്നത് സ്വാഗതം ചെയ്യുന്നുവെന്ന് യു.എസ് പ്രസിഡൻറ് ഡൊണാൾഡ് ട്രംപ്. ഇന്ത്യ, ജപ്പാൻ, ആസ്ട്രേലിയ എന്നീ രാജ്യങ്ങളുമായുള്ള ബന്ധം വർധിപ്പിക്കുമെന്നും ട്രംപിെൻറ പുതിയ ദേശീയ സുരക്ഷാ നയത്തിൽ (നാഷണൽ സെക്യൂരിറ്റി സ്ട്രാറ്റജി) വ്യക്തമാക്കുന്നു.
ഉയർന്നുവരുന്ന ആഗോളശക്തി എന്ന നിലയിലും നയതന്ത്ര- സൈനിക പങ്കാളി എന്ന നിലയിലും ഇന്ത്യയുടെ മുന്നേറ്റത്തെ സ്വാഗതം ചെയ്യുന്നു. ഇന്ത്യയുമായുള്ള അമേരിക്കയുടെ നയതന്ത്ര സഹകരണം ആഴത്തിലുള്ളതാക്കും. ഇന്ത്യന് മഹാസമുദ്ര മേഖലയിലെ സുരക്ഷാ കാര്യങ്ങളിലും അതിര്ത്തി മേഖലകളിലും ഇന്ത്യയുടെ നേതൃത്വത്തിന് പിന്തുണ നല്കുമെന്നും ട്രംപിെൻറ ദേശീയ സുരക്ഷാ നയത്തിൽ വ്യക്തമാക്കുന്നു.
തീവ്രവാദത്തിനെതിരെ ശക്തമായ നടപടികള് സ്വീകരിക്കാന് പാകിസ്താനിൽ സമ്മർദ്ദം ചെലുത്തും. അതിനായി ഇപ്പോൾ തന്നെ ധാരാളം പണം അമേരിക്ക ചെലവഴിക്കുന്നുണ്ടെന്നും നയത്തിൽ വ്യക്തമാക്കുന്നു. റഷ്യ, ചൈന എന്നീ പ്രധാന തിരുത്തൽ ശക്തികളും ഇറാൻ, ഉത്തരകൊറിയ തുടങ്ങിയ രാജ്യങ്ങളും തീവ്രവാദ സംഘടനകളുമാണ് യു.എസിന് ഭീഷണി എന്നും ദേശീയ സുരക്ഷ നയത്തിൽ ട്രംപ് വ്യക്തമാക്കുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.