അകമഴിഞ്ഞ്​

'അകമഴിഞ്ഞ്' എന്നയീയെന്നെ

പ്രേമഗാനങ്ങളിൽ സിനിമാപ്പാട്ടുകളിൽ

സീരിയലുകളിൽ വിളിച്ചുകൊണ്ടുപോകുന്നു,

എന്നെങ്കിലുമൊക്കെ

ആരെങ്കിലുമെന്നെ കണ്ടെത്തിയേക്കാമെന്ന് ഞാൻ

അച്ചടിമഷിവേഷത്തിൽ,

ഗായികാഗായകൻമാരുടെ ശബ്​ദമാധുര്യത്തിൽ

നിറഞ്ഞ് നിൽക്കാറുണ്ട്.

പ്രേമമെന്ന വാക്കി​െൻറ കൂടെ

എന്നെക്കൊണ്ടുപോകുമ്പോൾ

അവളെപ്പോലെത്തന്നെ ഞാനും

ഒരു ശബ്​ദമായിരിക്കുന്നു,

ശ്ശെ, നോക്ക്,

എനിക്കൊരു കഥ പറയാനുണ്ട്.

പുറമഴിയുന്നതിനെക്കുറിച്ച്

പിന്നെയും തിരിയും,

എനിക്കു പറയാനുള്ളത്

അകത്തെക്കുറിച്ചാണ്,

അവിടെ കെട്ടിക്കിടക്കുന്ന കെട്ടുകൾ...

നൂറ്റാണ്ടുകളുടെ നീറ്റുന്ന നൂലുകളുടെ,

ചരിത്രത്തി​െൻറ ചതികളുടെ, കാലത്തി​െൻറ മുള്ളുകളുടെ,

പരുത്തിയുടെ, ഇരുമ്പി​െൻറ, പാറ്റിയെടുത്ത തങ്കത്തി​െൻറ

കടുംകെട്ടുകളിൽ കുടുങ്ങുന്ന കുഞ്ഞൊഴുക്കുകളുടെ...

ഈയഴിക്കൽ ഒരു ധ്യാനമാണ്.

സ്‌നേഹത്തി​െൻറ എണ്ണപുരട്ടിമാത്രം

പതുക്കെ, നിശ്ശബ്​ദമായി

ചെയ്യാൻ കഴിയുന്നത്.

ഈയഴിക്കൽ ഒരു ഉരിയലാണ്,

നനയലാണ്,

തുറസ്സിലേക്കുള്ള

യാത്ര പുറപ്പെടലാണ്.