ശൂന്യാകാശത്തുമുണ്ട്​  ലോകകപ്പ്​ ആവേശം- VIDEO

മോസ്​​േകാ: റഷ്യൻ ലോകകപ്പി​​​െൻറ ആവേശം ലോകത്തി​​​െൻറ മുക്കിലും മൂലയിലും മാത്രമല്ല, അങ്ങ്​ ശൂന്യാകാശത്തുമുണ്ട്​. അന്താരാഷ്​ട്ര ബഹിരാകാശ നിലയത്തിലെ റഷ്യൻ ബഹിരാകാശ യാത്രികരായ ആൻറൺ ഷ്​കപ്​ലറോവും ഒലക്​ അർടമ്യേവുമാണ്​  ഫിഫ ലോകകപ്പി​​​െൻറ ഒൗദ്യോഗിക ബാളുമായി സീറോ ഗ്രാവിറ്റിയിൽ പന്തുതട്ടുന്ന രസകരമായ വിഡിയോ ട്വിറ്ററിൽ പങ്കുവെച്ചത്​. 

വിഡിയോയിൽ സ്​കോർ ചെയ്യാൻ ശ്രമിക്കുന്ന ഇരുവരും സൈഡ്​ ഫ്ലിപ്​, ബാക്ക്​ ഫ്ലിപ്​​, അപ്​​ൈസഡ്​ ഡൗൺ അക്രോബാറ്റിക്​ എന്ന്​ തുടങ്ങിയ സോക്കർ വിദ്യകൾ സീറോ ഗ്രാവിറ്റിയിൽ പരീക്ഷിക്കുന്നുണ്ട്​. ഒടുവിൽ അടുത്തിടെ ലോക​ത്തെ വിസ്​മയിപ്പിച്ച ക്രിസ്​റ്റ്യാനോ റൊണാൾഡോയുടെ ബൈസിക്കിൾ കിക്കി​നെയും അനുകരിക്കുന്നു.

റഷ്യൻ ബഹിരാകാശ ഏജൻസിയായ റോസ്​കോസ്​മോസ്​ പുറത്തുവിട്ട വിഡിയോയുടെ പശ്ചാത്തലത്തിൽ റഷ്യയുടെ പതാക നാട്ടിയിരിക്കുന്നു. ഫുട്​ബാൾ ലോകകപ്പിനായുള്ള കാത്തിരിപ്പ്​ ഭൂമിയിൽ മാത്രമല്ല, ഇങ്ങ്​ ആകാശത്തുമുണ്ടെന്ന കുറിപ്പോടെയാണ്​ വിഡിയോ പങ്കുവെച്ചത്​.

ഫിഫയുടെ ഒൗദ്യോഗിക ടീഷർട്ടുകൾ അണിഞ്ഞാണ്​ ഇരുവരും പന്തുതട്ടുന്നത്​. ടൂർണമ​​െൻറിനായി അഡിഡാസ് നിർമിക്കുന്ന ടെൽസ്​ട്ര 18 ബാളുകളുടെ പരീക്ഷണം കൂടിയാണ്​ ഇരുവരും ചേർന്ന്​ നടത്തിയത്​. ​ 

Большого футбольного праздника @fifaworldcup_ru ждут не только на Земле, но и в космосе!  @anton_astrey и @olegmks провели тренировку по футболу на Международной космической станции. #ЧМ2018 #WorldCup pic.twitter.com/GIUTntcq43

— РОСКОСМОС (@roscosmos) May 31, 2018