ന്യൂഡൽഹി: എ.എഫ്.സി അണ്ടർ 23 ചാമ്പ്യൻഷിപ് യോഗ്യതാറൗണ്ടിനുള്ള ഇന്ത്യയുടെ സാധ്യതാ ടീ മിൽ മൂന്നു മലയാളികൾ. സീനിയർ ടീം അംഗം ആഷിഖ് കുരുണിയൻ, കേരള ബ്ലാസ്റ്റേഴ്സ് മധ്യനിരതാരം സഹൽ അബ്ദുൽ സമദ്, അണ്ടർ 17 ലോകകപ്പ് താരവും െഎ ലീഗിൽ ആരോസ് എഫ്.സി അംഗവുമായ കെ.പി. രാഹുൽ എന്നിവരാണ് 37 അംഗ സാധ്യതാ ടീമിൽ ഇടം പിടിച്ചത്. 2020 അണ്ടർ 23 ഏഷ്യൻ ചാമ്പ്യൻഷിപ്പിനും ടോക്യോ ഒളിമ്പിക്സ് ഏഷ്യൻ യോഗ്യതാറൗണ്ടുമായി പരിഗണിക്കുന്ന മത്സരങ്ങൾക്ക് മാർച്ച് 22ന് കിക്കോഫ് കുറിക്കും.
ഗ്രൂപ് ‘എഫിൽ’ ഉസ്ബകിസ്താൻ, തജികിസ്താൻ, പാകിസ്താൻ എന്നിവർക്കൊപ്പമാണ് ഇന്ത്യ. ഉസ്ബക്സിതാനിലാണ് മത്സരങ്ങൾ. ഗ്രൂപ് ജേതാക്കൾക്ക് ഫൈനൽ റൗണ്ടിലേക്ക് നേരിട്ട് യോഗ്യത നേടാം. ബ്ലാസ്റ്റേഴ്സ് ഗോൾകീപ്പർ ധീരജ് സിങ്, അൻവർ അലി, കോമൾ തട്ടാൽ, റഹിം അലി എന്നിവരും സാധ്യതാ ടീമിലുണ്ട്. യോഗ്യതാറൗണ്ടിനു മുമ്പായി ഇന്ത്യ ഖത്തർ അണ്ടർ 23 ടീമുമായി സന്നാഹമത്സരം കളിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.