മലപ്പുറം: സംസ്ഥാന സീനിയര് ഫുട്ബാള് ചാമ്പ്യന്ഷിപ്പില് ആദ്യജയം തിരുവനന്തപുരത്തിന്. ഇടുക്കിയെ ടൈബ്രേക്കറിലാണ് (4-3) പരാജയപ്പെടുത്തിയത്. നിശ്ചിത സമയം കളി 1-1ന് സമനിലയില് പിരിയുകയായിരുന്നു. 31ാം മിനിറ്റില് ഗോകുല് ദീപ് ഇടുക്കിയുടെ ഗോള് നേടിയപ്പോള് 34ാം മിനിറ്റില്ത്തന്നെ റോഷനിലൂടെ തലസ്ഥാന ജില്ലക്കാര് തിരിച്ചടിച്ചു. പെനാല്റ്റി ഷൂട്ടൗട്ടില് ചിക്കു ജെയിംസ്, എല്ദോസ് സണ്ണി, മാത്യൂസ് എന്നിവര് ഇടുക്കിക്ക് വേണ്ടി സ്കോര് ചെയ്തപ്പോള് സഫാസ് ഷാജിയുടെയും മുസ്തഫ അറഫാത്തിന്െറയും കിക്ക് പുറത്തേക്ക് പോയി. തിരുവനന്തപുരത്തിന് വേണ്ടി കിക്കെടുത്ത ഷിജു, ഷാജി, അബ്ദുറഹിമാന്, ഷാഹിര് ഷാ എന്നിവരെല്ലാം ഗോളാക്കി. തിങ്കളാഴ്ച പ്രീ ക്വാര്ട്ടറില് പത്തനംതിട്ടയെ കോഴിക്കോടും ഒന്നാം ക്വാര്ട്ടര് ഫൈനലില് കോട്ടയത്തെ തിരുവനന്തപുരവും നേരിടും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.