ലണ്ടൻ: ലോകകപ്പിലേക്ക് നാളുകളുടെ മാത്രം കാത്തിരിപ്പ് അവശേഷിക്കവെ ബ്രസീലിന് തിരിച്ചടിയായി ചെൽസി വിങ്ങ എസ്റ്റേവോ വില്യന്റെ പരിക്ക്. കഴിഞ്ഞയാഴ്ച മാഞ്ചസ്റ്റർ യൂനൈറ്റഡിനെതിരായ മത്സരത്തിനിടെ ഏറ്റ പരിക്ക് താരത്തിന്റെ ലോകകപ്പ് സ്വപ്നങ്ങൾക്കും തിരിച്ചടിയാവുമെന്നാണ് സൂചന. കാൽവണ്ണക്ക് പരിക്കേറ്റ എസ്റ്റേവോക്ക് ജൂൺ-ജൂലൈ മാസത്തിന് മുമ്പായി ഫിറ്റ്നസ് വീണ്ടെടുക്കാനാവുമോയെന്ന് സംശയമാണ്. ക്ലബ് സീസണിലെ ശേഷിക്കുന്ന മത്സരങ്ങൾ താരത്തിന് നഷ്ടമാവുമെന്ന് ചെൽസി കോച്ച് കലം മക്ഫാർലെയ്ൻ പറഞ്ഞു. 19കാരനായ എസ്റ്റേവോ മത്സരത്തിൽ 16 മിനിറ്റ് കളിച്ച ശേഷം പിൻവാങ്ങുകയായിരുന്നു. ചൊവ്വാഴ്ച ബ്രൈറ്റണിനെതിരെ താരം കളിച്ചിരുന്നില്ല. പാൽമിറസിൽനിന്നും ഈ സീസണിൽ ടീമിലെത്തിയ താരം എട്ടു ഗോളുകൾ നേടിയിരുന്നു. കാർലോ ആഞ്ചലോട്ടിയുടെ ബ്രസീൽ ലോകകപ്പ് ടീമിലും ഉറപ്പിച്ച പേരായിരുന്നു കൗമാരക്കാരൻ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.