ബാഴ്സലോണ: സ്പാനിഷ് ലാ ലിഗ പുതു സീസണില് നിലവിലെ ചാമ്പ്യന്മാരായ ബാഴ്സലോണക്ക് തകര്പ്പന് ജയത്തോടെ തുടക്കം. സ്വന്തം മണ്ണില് നടന്ന ആദ്യ മത്സരത്തില് റയല് ബെറ്റിസിനെ 6-2ന് തകര്ത്താണ് ബാഴ്സ വിജയത്തുടക്കം കുറിച്ചത്. ലൂയി സുവാരസ് ഹാട്രിക് നേടി പുതു സീസണ് തുടങ്ങിയപ്പോള് സ്റ്റാര് സ്ട്രൈക്കര് ലയണല് മെസ്സി ഇരട്ട ഗോളടിച്ച് ഗംഭീരമാക്കി. അര്ത ടുറാന് ആറാം മിനിറ്റില് നേടിയ ഗോളിലൂടെയായിരുന്നു തുടക്കം.മെസ്സി 37, 57 മിനിറ്റുകളിലും സുവാരസ് 42, 56, 82 മിനിറ്റിലുമാണ് സ്കോര് ചെയ്തത്. ബെറ്റിസിനായി റുബന് കാസ്ട്രോ ഇരട്ട ഗോള് നേടി. മറ്റു മത്സരങ്ങളില് സെവിയ്യ 6-4ന് എസ്പാന്യോളിനെയും ഡിപൊര്ടിവ 2-1ന് ഐബറിനെയും തോല്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.