ന്യൂഡൽഹി: മുൻ ഇന്ത്യൻ അന്താരാഷ്ട്ര താരം സയ്യിദ് സാബിർ പാഷയെ അഖിലേന്ത്യ ഫുട്ബാൾ ഫെഡറേഷന്റെ ടെക്നിക്കൽ ഡയറക്ടറായി നിയമിച്ചു. ഈ പദവിയിൽ മുഴുവൻ സമയാടിസ്ഥാനത്തിൽ നിയമിതനാവുന്ന ആദ്യ ഇന്ത്യക്കാരനാണ് പാഷ.
താരമായും പരിശീലകനായുമുള്ള അദ്ദേഹത്തിന്റെ അനുഭവസമ്പത്ത് ഇന്ത്യൻ ഫുട്ബാളിന്റെ സാങ്കേതിക വിഷയങ്ങളിൽ ഗുണം ചെയ്യുമെന്ന് എ.ഐ.എഫ്.എഫ് പ്രസിഡന്റ് കല്യാൺ ചൗബേ പ്രതീക്ഷ പ്രകടിപ്പിച്ചു. ചെന്നൈ സ്വദേശിയായ പാഷ ഇന്ത്യക്ക് വേണ്ടി 68 മത്സരങ്ങൾ കളിച്ചു. നിലവിൽ ചെന്നൈയിൻ എഫ്.സിയുടെ താൽക്കാലിക പരിശീലകനാണ് 50കാരൻ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.