ട്രീസയും ഗായത്രിയും
Posted On
date_range Updated On
date_range ഡെന്മാർക് ഓപൺ; ട്രീസ-ഗായത്രി സഖ്യം ക്വാർട്ടറിൽ
ഒഡെൻസ്: ഡെന്മാർക് ഓപൺ ബാഡ്മിന്റണിൽ ഇന്ത്യയുടെ മലയാളി താരം ട്രീസ ജോളി - ഗായത്രി ഗോപിചന്ദ് സഖ്യം തകർപ്പൻ ജയത്തോടെ ക്വാർട്ടർ ഫൈനലിലേക്ക് മുന്നേറി. വനിത ഡബിൾസ് പ്രീക്വാർട്ടർ മത്സരത്തിൽ അഞ്ചാം സീഡായ ഇന്തോനേഷ്യൻ ജോടി റേച്ചൽ അലസ്യ റോസ് - ഫെബി സെറ്റിയാനിൻഗ്രം ജോടിയെയാണ് ഇവർ അട്ടിമറിച്ചത്. നേരിട്ടുള്ള സെറ്റുകൾക്കായിരുന്നു (21-16, 21-17) ഇന്ത്യൻ സഖ്യത്തിന്റെ വിജയം. അതേസമയം, പുരുഷ സിംഗിൾസിൽ ഇന്ത്യയുടെ വെറ്ററൻ താരം കിഡംബി ശ്രീകാന്ത് പ്രീക്വാർട്ടറിൽ പുറത്തായി. ലോക ചാമ്പ്യൻ ഫ്രാൻസിന്റെ അലക്സ് ലാനിയറോട് കടുത്ത പോരാട്ടം കാഴ്ചവെച്ച ശേഷമാണ് ശ്രീകാന്ത് കീഴടങ്ങിയത്. സ്കോർ: 21-11, 15-21, 15-21.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.