തെരുവിൽ ഭിക്ഷയാചിച്ച് നടക്കുന്ന മനുഷ്യനെ ശ്രദ്ധിച്ച് നോക്കിയവർ ഒരുനിമിഷം അമ്പരന്നു. ബോളിവുഡ് നടന്മാരുടെ ലുക്കായിരുന്നു ഈ യാചകന്. 'ഡൽഹി യാചകർ' എന്ന അടിക്കുറിപ്പോടെ കവൽജിത് സിങ് ബേദി എന്നയാളാണ് യാചകന്റെ ചിത്രം ട്വിറ്ററിൽ പോസ്റ്റ് ചെയ്തത്. ഫോട്ടോ സോഷ്യൽ മീഡിയയിൽ വൈറലായതോടെ ഇയാൾ യാചകനാണോ മോഡലാണോ എന്ന ആശയക്കുഴപ്പത്തിലാണ് നെറ്റിസൺസ്.
ഡൽഹിയിലെ ട്രാഫിക് സിഗ്നലിൽ ഊന്നുവടിയുടെ സഹായത്തോടെ നടക്കുന്ന യാചകനാണ് ചിത്രത്തിലുള്ളത്. കറുത്ത ടീ ധരിച്ച് സൺഗ്ലാസ് ധരിച്ചിരിക്കുന്ന ഇയാളെ കണ്ടാൽ ബോളിവുഡ് നടൻ ഹൃത്വിക് റോഷനാണെന്ന് തോന്നലുണ്ടാകും. ട്വിറ്ററിൽ ഫോട്ടോ വൈറലായതോടെ 20,000-ലധികം ലൈക്കുകളും നേടി. ഫോട്ടോയിലുള്ളത് യാചകനല്ല, മോഡലാണെന്നാണ് നെറ്റിസൺസ് കരുതിയത്. ആദിത്യ റോയ് കപൂർ, പുഷ്പയുടെ അല്ലു അർജുൻ എന്നിവരെപ്പോലെയാണ് അദ്ദേഹം കാണപ്പെടുന്നതെന്ന് ചിലർ അടിക്കുറുപ്പെഴുതുന്നു. എന്നാലിത് യഥാർഥത്തിൽതന്നെ യാചകനാണെന്നാണ് സൂചന.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.