രാജ്യത്തെ സ്ത്രീകളില്‍ എട്ടില്‍ ഒരാള്‍ക്ക് വിളര്‍ച്ചയും അമിതഭാരവുമെന്ന് പഠനം

പെ​രി​യ: ഇ​ന്ത്യ​യി​ല്‍ 15 വ​യ​സ്സി​നും 49 വ​യസ്സിനും ഇ​ട​യി​ലുള്ള സ്ത്രീ​ക​ളി​ല്‍ എ​ട്ടി​ല്‍ ഒ​രാ​ള്‍ക്ക് വി​ള​ര്‍ച്ച​യും അ​മി​ത​ഭാ​ര​വും പൊ​ണ്ണ​ത്ത​ടി​യും ഒ​രു​മി​ച്ചു​ള്ള​താ​യി പ​ഠ​നം. കേ​ര​ള-​കേ​ന്ദ്ര സ​ര്‍വ​ക​ലാ​ശാ​ല പ​ബ്ലി​ക് ഹെ​ല്‍ത്ത് ആ​ൻ​ഡ് ക​മ്യൂ​ണി​റ്റി മെ​ഡി​സി​ന്‍ വി​ഭാ​ഗം അ​സി​സ്റ്റ​ന്റ് പ്രഫ. ഡോ. ​ജ​യ​ല​ക്ഷ്മി രാ​ജീ​വ്, വി​ദ്യാ​ര്‍ഥി സീ​വ​ര്‍ ക്രി​സ്റ്റ്യ​ന്‍, തി​രു​വ​ന​ന്ത​പു​രം ശ്രീ​ചി​ത്ര തി​രു​നാ​ള്‍ ഇ​ന്‍സ്റ്റി​റ്റ്യൂ​ട്ട് ഓ​ഫ് മെ​ഡി​ക്ക​ല്‍ സ​യ​ന്‍സ് അ​ച്യു​ത​മേ​നോ​ന്‍ സെ​ന്റ​ര്‍ ഫോ​ര്‍ ഹെ​ല്‍ത്ത് സ​യ​ന്‍സ് സ്റ്റ​ഡീ​സി​ലെ പ്രഫ.ശ്രീ​നി​വാ​സ​ന്‍ ക​ണ്ണ​ന്‍ എ​ന്നി​വ​രാ​ണ് പ​ഠ​നം ന​ട​ത്തി​യ​ത്.

സ്പ്രിം​ഗ​ര്‍ നേ​ച്ച​റി​ല്‍ നി​ന്നു​ള്ള യൂ​റോ​പ്യ​ന്‍ ജേ​ണ​ല്‍ ഓ​ഫ് ക്ലി​നി​ക്ക​ല്‍ ന്യൂ​ട്രീ​ഷ​നി​ല്‍ ഈ ​പ​ഠ​നം പ്ര​സി​ദ്ധീ​ക​രി​ച്ചി​ട്ടു​ണ്ട്. മ്യാ​ന്‍മ​റി​ല്‍ പ​ത്തി​ല്‍ ഒ​രാ​ള്‍ക്കും നേ​പ്പാ​ളി​ല്‍ പ​തി​ന​ഞ്ചി​ല്‍ ഒ​രാ​ള്‍ക്കു​മാ​ണ് വി​ള​ര്‍ച്ച​യും അ​മി​ത​ഭാ​ര​വും പൊ​ണ്ണ​ത്ത​ടി​യും ഒ​രു​മി​ച്ചു​ള്ള​ത്. ഇ​ന്ത്യ​യി​ലെ സം​സ്ഥാ​ന​ങ്ങ​ളി​ലും കേ​ന്ദ്ര ഭ​ര​ണ​പ്ര​ദേ​ശ​ങ്ങ​ളി​ലു​മാ​യി ഒ​മ്പ​തെ​ണ്ണ​ത്തി​ല്‍ 15 ശ​ത​മാ​ന​ത്തി​ല​ധി​ക​മാ​ണ് വ്യാ​പ​നം.

വി​ള​ര്‍ച്ച​യും അ​മി​ത​ഭാ​ര​വും പൊ​ണ്ണ​ത്ത​ടി​യും ഒ​രു​മി​ച്ച് ഉ​ണ്ടാ​കാ​നു​ള്ള സാ​ധ്യ​ത പ്രാ​യ​മാ​യ, സ​മ്പ​ന്ന​രാ​യ സ്ത്രീ​ക​ള്‍ക്കി​ട​യി​ല്‍ വ​ര്‍ധി​ച്ച​താ​യാ​ണ് കാ​ണു​ന്ന​ത്. ഭ​ക്ഷ​ണ​ശീ​ല​ങ്ങ​ളി​ലെ അ​നാ​രോ​ഗ്യ​ക​ര​മാ​യ മാ​റ്റ​ങ്ങ​ള്‍ ഇ​തി​ന് കാ​ര​ണ​മാ​യേ​ക്കാ​മെ​ന്ന് പ​ഠ​നം ചൂ​ണ്ടി​ക്കാ​ട്ടു​ന്നു.

സ​മ്പ​ന്ന​രാ​യ സ്ത്രീ​ക​ളി​ല്‍ കൊ​ഴു​പ്പ്, ഉ​പ്പ്, പ​ഞ്ച​സാ​ര, സം​സ്‌​ക​രി​ച്ച ഭ​ക്ഷ​ണം എ​ന്നി​വ​യു​ടെ ഉ​പ​ഭോ​ഗം വ​ര്‍ധി​ക്കു​മ്പോ​ള്‍, പാ​വ​പ്പെ​ട്ട സ്ത്രീ​ക​ള്‍ പ​രി​മി​ത​മാ​യ പോ​ഷ​ക​ങ്ങ​ളു​ള്ള വി​ല​കു​റ​ഞ്ഞ ഭ​ക്ഷ​ണം ക​ഴി​ക്കാ​ന്‍ നി​ര്‍ബ​ന്ധി​ത​രാ​കു​ന്നു. വി​ള​ര്‍ച്ച​യും അ​മി​ത​ഭാ​ര​വും ഒ​രു​മി​ച്ചു​ണ്ടാ​വു​ന്ന​തി​ന്റെ കാ​ര​ണ​ങ്ങ​ള്‍ എ​ല്ലാ വി​ഭാ​ഗം സ്ത്രീ​ക​ളി​ലും ഒ​രു​പോ​ലെ​യ​ല്ലെ​ന്ന് ഇ​ത് സൂ​ചി​പ്പി​ക്കു​ന്നു.

ഇ​ന്ത്യ​യി​ലും മ്യാ​ന്‍മ​റി​ലും ന​ഗ​ര​പ്ര​ദേ​ശ​ങ്ങ​ളി​ല്‍ നി​ന്നു​ള്ള വി​ദ്യാ​സ​മ്പ​ന്ന​രാ​യ സ്ത്രീ​ക​ളി​ല്‍ വി​ള​ര്‍ച്ച​യും അ​മി​ത​ഭാ​രം/​പൊ​ണ്ണ​ത്ത​ടി​യും ഒ​രു​മി​ച്ചു​ണ്ടാ​കു​ന്ന​തി​നു​ള്ള സാ​ധ്യ​ത കൂ​ടു​ത​ലാ​യി കാ​ണ​പ്പെ​ട്ടെ​ങ്കി​ലും നേ​പ്പാ​ളി​ല്‍ ഇ​ത് വ്യ​ത്യ​സ്ത​മാ​യി​രു​ന്നു. നി​ല​വി​ല്‍ ല​ഭ്യ​മാ​യ പ​ഠ​ന​ങ്ങ​ള്‍ അ​നു​സ​രി​ച്ച് അ​മി​ത​വ​ണ്ണം വി​ള​ര്‍ച്ച​ക്കു കാ​ര​ണ​മാ​കും. അ​ങ്ങ​നെ​യെ​ങ്കി​ല്‍ സ്ത്രീ​ക​ളി​ല്‍ അ​മി​ത​വ​ണ്ണം വി​ള​ര്‍ച്ച​യു​ടെ വ്യാ​പ​ന​ത്തെ​ക്കാ​ള്‍ കൂ​ടു​ത​ലാ​യി​രി​ക്ക​ണം.

എ​ന്നാ​ല്‍ മൂ​ന്ന് രാ​ജ്യ​ങ്ങ​ളി​ലും വി​ള​ര്‍ച്ച​യു​ടെ വ്യാ​പ​ന​മാ​ണ് കൂ​ടു​ത​ലാ​യു​ള്ള​ത്. സ്ത്രീ​ക​ള്‍ക്കി​ട​യി​ല്‍ വി​ള​ര്‍ച്ച​യും അ​മി​ത​ഭാ​ര​വും ഒ​രു​മി​ച്ചു​ണ്ടാ​കു​ന്ന​തി​ലേ​ക്ക് ന​യി​ക്കു​ന്ന അ​ടി​സ്ഥാ​ന കാ​ര​ണ​ങ്ങ​ള്‍ മ​ന​സ്സി​ലാ​ക്കു​ന്ന​തി​നും പ്ര​തി​രോ​ധ ചി​കി​ത്സാ മാ​ര്‍ഗ​ങ്ങ​ള്‍ അ​വ​ലം​ബി​ക്കു​ന്ന​തി​നും കൂ​ടു​ത​ല്‍ പ​ഠ​ന​ങ്ങ​ള്‍ ആ​വ​ശ്യ​മാ​ണ്.