ഷാര്‍ജ ഇന്ത്യന്‍ അസോസിയേഷനില്‍ ഇന്ദിരാഗാന്ധി അനുസ്‌മരണം
ഷാര്‍ജ: മുന്‍ ഇന്ത്യന്‍ പ്രധാനമന്ത്രി ഇന്ദിരാഗാന്ധിയുടെ 42-ാമത്‌ രക്തസാക്ഷി ദിനത്തോടനുബന്ധിച്ച്‌ ഷാര്‍ജ ഇന്ത്യന്‍ അസോസിയേഷന്‍ അനുസ്‌മരണ പരിപാടി സംഘടിപ്പിച്ചു. അസോസിയേഷന്‍ പ്രസിഡന്‍റ് കെ. ബാലകൃഷ്‌ണന്‍ ചടങ്ങില്‍ അധ്യക്ഷത വഹിച്ചു. സാമൂഹിക-ആരോഗ്യപ്രവര്‍ത്തകയായ ഡോ. താഹിറ കല്ലുമുറിക്കല്‍, പ്രിന്‍സിപ്പല്‍മാരായ പ്രമോദ്‌ മഹാജന്‍, വിജിമോന്‍ അയ്യപ്പന്‍ എന്നിവര്‍ അനുസ്‌മരണ പ്രഭാഷണം നടത്തി.
ജനറല്‍ സെക്രട്ടറി അഡ്വ. വൈ.എ. റഹീം സ്വാഗതവും ജോ. ജനറല്‍ സെക്രട്ടറി അഡ്വ.അന്‍സാര്‍ നന്ദിയും പറഞ്ഞു. മുഹമ്മദി കുന്നില്‍ ഖിറാഅത്ത്‌ നടത്തി. ഷാര്‍ജ ഇന്ത്യന്‍ സ്‌കൂള്‍ ബോയ്‌സ്‌, ഗേള്‍സ്‌ വിഭാഗം വിദ്യാർഥികളവതരിപ്പിച്ച ദേശ ഭക്തി ഗാനാലാപനവും വിദ്യാർഥികളായ ഇവാന എലീസ വിനോജ്, സിയ ഫാത്തിമ, തിപോറസ്‌ യാഗപ്പന്‍, തിയോഫിലസ്‌ യാഗപ്പന്‍ എന്നിവരുടെ ഇന്ദിരാഗാന്ധിയെ കുറിച്ചുള്ള പ്രഭാഷണവും നടന്നു. മാനേജിങ് കമ്മിറ്റി അംഗങ്ങളായ റോയ്‌ മാത്യു, ജാഫര്‍ കണ്ണാട്ട്‌, അനില്‍ കുമാര്‍, പ്രതീഷ്‌ ചിതറ, ഷിബു ജോണ്‍, നവാസ്‌ തേക്കട, ഷാന്‍റി തോമസ്‌, രാജീവ്‌ രാമപുരത്ത്‌, വൈസ്‌ പ്രിന്‍സിപ്പല്‍മാരായ രാജീവ്‌ മാധവന്‍, ഷിഫിന നസ്‌റുദ്ദീന്‍ എന്നിവര്‍ ചടങ്ങില്‍ സംബ
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.