തി​രി​കെ​യെ​ത്തിക്കാമോ ശേ​ഷി​ക്കു​ന്ന​വ​രെയെ​ങ്കി​ലും?

ഒ​​​രു ഗ​ൾ​ഫ് രാ​ജ്യ​ത്ത് ഇ​ല​ക്ട്രീ​ഷ്യ​നാ​യി ജോ​ലി​നോ​ക്കു​ക​യാ​യി​രു​ന്നു തൃ​ശൂ​ർ കു​ട്ട​നെ​ല്ലൂ​ർ തോ​ള​ത്ത് വീ​ട്ടി​ൽ ബാ​ബു​വി​ന്റെ​യും ലൈ​സ​യു​ടെ​യും മ​ക​ൻ ബി​നി​ൽ (31). അ​വി​ടെ നി​ന്ന് നാ​ട്ടി​ലേ​ക്കു​വ​ന്ന് പു​തി​യ അ​വ​സ​ര​ങ്ങ​ൾ തേ​ടു​ന്ന​തി​നി​ട​യി​ലാ​ണ് മ​നു​ഷ്യ​ക്ക​ട​ത്ത് ഏ​ജ​ൻ​സി​യു​ടെ കെ​ണി​യി​ൽ​പെ​ടു​ന്ന​ത്. മൂ​ന്ന​ര ല​ക്ഷം രൂ​പ ശ​മ്പ​ള​ത്തോ​ടെ പോ​ള​ണ്ടി​ൽ ഇ​ല​ക്ട്രീ​ഷ്യ​ൻ ജോ​ലി സം​ഘ​ടി​പ്പി​ച്ച് ന​ൽ​കാ​മെ​ന്നാ​യി​രു​ന്നു അ​വ​രു​ടെ വാ​ഗ്ദാ​നം. വി​സാ ന​ട​പ​ടി​ക്ര​മ​ങ്ങ​ൾ അ​ന്തി​മ ഘ​ട്ട​ത്തി​ലാ​യ​പ്പോ​ഴാ​ണ് ജോ​ലി റ​ഷ്യ​യി​ലാ​ണെ​ന്ന് അ​റി​യു​ന്ന​ത്.

ഏ​ജ​ന്റു​മാ​രു​ടെ ഉ​റ​പ്പു​ക​ളി​ൽ വി​ശ്വാ​സ​മ​ർ​പ്പി​ച്ച് ബി​നി​ലും ഭാ​ര്യ ജോ​യ്സി​യു​ടെ ​പി​തൃ​സ​ഹോ​ദ​ര പു​ത്ര​ൻ തെ​ക്കും​ക​ര കു​ത്തു​പാ​റ തെ​ക്കേ​മു​റി​യി​ൽ ജെ​യി​ൻ കു​ര്യ​നും ക​ഴി​ഞ്ഞ ഏ​പ്രി​ൽ നാ​ലി​ന് യാ​ത്ര​തി​രി​ച്ചു. വി​മാ​ന​ത്താ​വ​ള​ത്തി​ൽ​നി​ന്നു​ത​ന്നെ ഇ​രു​വ​രെ​യും റ​ഷ്യ​ൻ സൈ​ന്യം കൂ​ട്ടി​ക്കൊ​ണ്ടു​പോ​യി. ഇ​രു​വ​രെ​യും കൂ​ലി​പ്പ​ട്ടാ​ള​ത്തി​ൽ പ​രി​ശീ​ല​ന​ത്തി​നാ​ണ് ആ​ദ്യം നി​യോ​ഗി​ച്ച​ത്. പി​ന്നീ​ട് യു​ദ്ധ​ഭൂ​മി​യി​ൽ ഭ​ക്ഷ​ണം എ​ത്തി​ക്ക​ലും ട്ര​ഞ്ച് നി​ർ​മി​ക്ക​ലു​മാ​യി ജോ​ലി. റ​ഷ്യ​ൻ ​സൈ​നി​ക​രു​ടെ സാ​ന്നി​ധ്യ​ത്തി​ൽ മാ​ത്ര​മാ​ണ് അ​വ​രെ നാ​ട്ടി​ലേ​ക്ക് ഫോ​ൺ വി​ളി​ക്കാ​ൻ അ​നു​വ​ദി​ച്ചി​രു​ന്ന​ത്. ജ​നു​വ​രി ആ​ദ്യം വീ​ട്ടി​ലേ​ക്ക് വി​ളി​ച്ച​പ്പോ​ൾ, ഇ​നി വി​ളി​ക്കാ​ൻ ക​ഴി​യു​മെ​ന്ന് തോ​ന്നു​ന്നി​ല്ലെ​ന്നും യു​ദ്ധ​ത്തി​ൽ പ​​ങ്കെ​ടു​ക്കാ​ൻ പോ​വു​ക​യാ​ണെ​ന്നും ബി​നി​ൽ ഭാ​ര്യ​യോ​ടും മാ​താ​പി​താ​ക്ക​ളോ​ടും പ​റ​ഞ്ഞി​രു​ന്നു. ച​തി​ക്ക​പ്പെ​ട്ടു​വെ​ന്ന് മ​ന​സ്സി​ലാ​ക്കി​യ​പ്പോ​ഴേ​ക്കും സ​മ​യം ഏ​റെ ​വൈ​കി​യി​രു​ന്നു.

ഈ ​ജ​നു​വ​രി ഏ​ഴി​നാ​ണ് ബി​നി​ൽ അ​വ​സാ​ന​മാ​യി വീ​ട്ടി​ലേ​ക്ക് വി​ളി​ച്ച​ത്. ‘‘പെ​ട്ടു​പോ​യി. ഇ​നി കാ​ണാ​ൻ ക​ഴി​യു​മെ​ന്ന് തോ​ന്നു​ന്നി​ല്ല’’ എ​ന്ന ബി​നി​ലി​ന്റെ വാ​ക്ക് അ​റം​പ​റ്റി. പി​ന്നെ അ​ധി​ക​ദി​വ​സ​ങ്ങ​ൾ ക​ഴി​യാ​തെ മ​ര​ണ​വാ​ർ​ത്ത​യു​മെ​ത്തി. മാ​സ​ങ്ങ​ൾ​ക്കു​മു​മ്പ് ജ​നി​ച്ച മ​ക​ൻ ജെ​യ്കി​ന്റെ മു​ഖം​പോ​ലും ഒ​രു​നോ​ക്കു കാ​ണാ​നാ​കാ​തെ ബി​നി​ൽ അ​ക​ല​ങ്ങ​ളി​ലു​ള്ള ഏ​തോ മോ​ർ​ച്ച​റി​യി​ൽ ത​ണു​ത്തു മ​ര​വി​ച്ചു​കി​ട​ക്കു​ന്നു.

തി​രി​ച്ചു​വ​ര​വ് പ്ര​തി​സ​ന്ധി​യി​ലാ​ക്കി പൗ​ര​ത്വം

മ​നു​ഷ്യ​ക്ക​ട​ത്ത് സം​ഘം കൈ​മാ​റു​ന്ന ഇ​ത​ര രാ​ജ്യ​ങ്ങ​ളി​ലെ പൗ​ര​ന്മാ​രെ റ​ഷ്യ​ൻ വി​മാ​ന​ത്താ​വ​ള​ത്തി​ൽ​വെ​ച്ചു​ത​ന്നെ റ​ഷ്യ​ൻ സൈ​ന്യം ഏ​റ്റെ​ടു​ക്കും. ഇ​വ​രു​ടെ സ്വ​രാ​ജ്യ​ത്തെ പാ​സ്​​പോ​ർ​ട്ടും യാ​ത്രാ​രേ​ഖ​ക​ളും സൈ​ന്യം വാ​ങ്ങും. പി​ന്നീ​ട് ​സൈ​നി​ക വാ​ഹ​ന​ങ്ങ​ളി​ൽ ക​യ​റ്റി​ക്കൊ​ണ്ടു​പോ​കും. കേ​ര​ള​ത്തി​ൽ​നി​ന്ന് പോ​യ ബി​നി​ലും ജെ​യി​നും റ​ഷ്യ​ൻ പൗ​ര​ത്വം സ്വീ​ക​രി​ച്ച​താ​യാ​ണ് വി​വ​രം. അ​ങ്ങ​നെ​യെ​ങ്കി​ൽ ബി​നി​ലി​ന്റെ മൃ​ത​ദേ​ഹം നാ​ട്ടി​ൽ എ​ത്തി​ക്കു​ന്ന​തി​നും പ​രി​ക്കേ​റ്റ ജ​യി​ന് മ​ട​ങ്ങി​വ​രു​ന്ന​തി​നും സ​ങ്കീ​ർ​ണ​ത​ക​ൾ ഏ​റെ​യാ​കും. റ​ഷ്യ​യി​ലു​ള്ള മ​ല​യാ​ളി​ക​ൾ പ​ര​മാ​വ​ധി ശ്ര​മി​ച്ചി​ട്ടും വി​ഷ​യ​ത്തി​ൽ പ​രി​ഹാ​രം കാ​ണാ​നാ​യി​ട്ടി​ല്ല.

യു​ക്രെ​യ്നി​ൽ​നി​ന്ന് റ​ഷ്യ യു​ദ്ധ​ത്തി​ൽ പി​ടി​ച്ചെ​ടു​ത്ത നെ​വ​സ്കോ​യി എ​ന്ന സ്ഥ​ല​ത്തു​വെ​ച്ചാ​ണ് യു​ക്രെ​യ്ൻ ഡ്രോ​ൺ ആ​ക്ര​മ​ണ​ത്തി​ൽ ബി​നി​ൽ കൊ​ല്ല​പ്പെ​ടു​ന്ന​ത്. മൃ​ത​ദേ​ഹം ഇ​തു​വ​രെ വീ​ണ്ടെ​ടു​ക്കാ​ൻ ക​ഴി​ഞ്ഞി​ട്ടി​ല്ല എ​ന്നാ​ണ് റ​ഷ്യ​യി​ലെ ഇ​ന്ത്യ​ൻ എം​ബ​സി​ നൽകുന്ന വി​വ​രം. പ്ര​ദേ​ശ​ത്ത് ഇ​രു​സൈ​ന്യ​വും വ​ലി​യ ഏ​റ്റു​മു​ട്ട​ലാ​ണ് ന​ട​ത്തു​ന്ന​ത്. ഇ​തി​ന് ശ​മ​നം ഉ​ണ്ടാ​കാ​തെ അ​വി​ടേ​ക്ക് പ്ര​വേ​ശി​ക്കു​ക സാ​ധ്യ​മ​ല്ല. റ​ഷ്യ​ൻ എം​ബ​സി, മു​ഖ്യ​മ​ന്ത്രി, ചീ​ഫ് സെ​ക്ര​ട്ട​റി, സു​രേ​ഷ് ഗോ​പി അ​ട​ക്ക​മു​ള്ള കേ​ന്ദ്ര സ​ഹ​മ​ന്ത്രി​മാ​ർ, അ​ടൂ​ർ പ്ര​കാ​ശ് എം.​പി എ​ന്നി​വ​ർ​ക്കൊ​ക്കെ അ​പേ​ക്ഷ അ​യ​ച്ചി​ട്ടും ഒ​രു പ്ര​തി​ക​ര​ണ​വും ഉ​ണ്ടാ​യി​ട്ടി​ല്ലെ​ന്ന് ബ​ന്ധു​ക്ക​ൾ ആ​രോ​പി​ക്കു​ന്നു. ജെ​യി​​ന്റെ മ​ട​ങ്ങി​വ​ര​വും അ​നി​ശ്ചി​ത​ത്വ​ത്തി​ൽ തു​ട​രു​ക​യാ​ണ്. മോ​സ്കോ​യി​ലെ ​സൈ​നി​ക ആ​ശു​പ​ത്രി​യി​ലാ​ണ് ജെ​യി​ൻ ഉ​ള്ള​തെ​ന്നാ​ണ് വി​വ​രം.

അ​തേ​സ​മ​യം, റ​ഷ്യ​ൻ സൈ​ന്യ​ത്തി​ൽ ചേ​ർ​ന്ന ഇ​ന്ത്യ​ക്കാ​ർ​ ​ആ​​രെ​ങ്കി​ലും യു​ദ്ധ​ത്തി​നി​ടെ യു​ക്രെ​യ്ൻ സൈ​ന്യ​ത്തി​ന്റെ പി​ടി​യി​ല​ക​പ്പെ​ട്ടി​ട്ടു​ണ്ടോ എ​ന്ന​ത് സം​ബ​ന്ധി​ച്ച് ഒ​രു വി​വ​ര​വും ല​ഭ്യ​മ​ല്ല. അ​ങ്ങ​നെ സം​ഭ​വി​ച്ചി​ട്ടു​ണ്ടെ​ങ്കി​ൽ സ്ഥി​തി കൂ​ടു​ത​ൽ പ​രി​താ​പ​ക​ര​മാ​കും. ഇ​ന്ത്യ​യു​മാ​യി സ​മാ​ധാ​ന സ​ഹ​വ​ർ​ത്തി​ത്വം പു​ല​ർ​ത്തു​ന്ന ഒ​രു രാ​ജ്യ​ത്തി​നെ​തി​രെ യു​ദ്ധം ചെ​യ്യാ​ൻ പു​റ​പ്പെ​ട്ടതി​ന് അ​വ​ർ ന​ട​പ​ടി നേ​രി​ടേ​ണ്ടി​വ​രു​മെ​ന്ന് ന്യൂ​ഡ​ൽ​ഹി ആ​സ്ഥാ​ന​മാ​ക്കി പ്ര​വ​ർ​ത്തി​ക്കു​ന്ന അ​ഭി​ഭാ​ഷ​ക​നും ഗ​വേ​ഷ​ക​നു​മാ​യ ആ​കാ​ശ് ച​ന്ദ്ര​ൻ പ​റ​യു​ന്നു. ഇ​വ​ർ യു​ദ്ധ​ക്കു​റ്റ​ത്തി​ന് വി​ചാ​ര​ണ ചെ​യ്യ​പ്പെ​ടാ​ൻ സാ​ധ്യ​ത​യു​ണ്ടെ​ന്നും അ​ങ്ങ​നെ​യു​ള്ള​വ​രു​ടെ മ​ട​ങ്ങി​വ​ര​വ് കൂ​ടു​ത​ൽ പ്ര​യാ​സ​ക​ര​മാ​യി​രി​ക്കു​മെ​ന്നും അ​ദ്ദേ​ഹം ചൂണ്ടിക്കാട്ടുന്നു.

(അ​വ​സാ​നി​ച്ചു)