ഗ്രീ​ഷ്മ​യെ തൂ​ക്കി​ലേ​റ്റി​യാ​ൽ കേ​ര​ളം ര​ക്ഷ​പ്പെ​ടു​മോ?

ഷാ​രോ​ണ്‍ രാ​ജ് എ​ന്ന പാ​റ​ശാ​ല സ്വ​ദേ​ശി​യെ ക​ഷാ​യ​ത്തി​ല്‍ വി​ഷം ചേ​ര്‍ത്ത് കൊ​ല​പ്പെ​ടു​ത്തി​യ കേ​സി​ൽ കു​റ്റ​ക്കാ​രി​യെ​ന്ന് ക​ണ്ടെ​ത്തി​യ ഗ്രീ​ഷ്മ​യെ​ന്ന യു​വ​തി​ക്ക് കോ​ട​തി വ​ധ​ശി​ക്ഷ വി​ധി​ച്ച​തോ​ടെ വ​ധ​ശി​ക്ഷ​യു​ടെ നൈ​തി​ക​ത സം​ബ​ന്ധി​ച്ച ച​ര്‍ച്ച​ക​ള്‍ കേ​ര​ള പൊ​തു​മ​ണ്ഡ​ല​ത്തി​ല്‍ വീ​ണ്ടും സ​ജീ​വ​മാ​യി​രി​ക്കു​ന്നു. ഇ​ന്ത്യ​ന്‍ ഭ​ര​ണ​ഘ​ട​ന​യു​ടെ ആ​ര്‍ട്ടി​ക്കി​ള്‍ 21 ​പ്ര​കാ​രം ‘‘നി​യ​മം വ​ഴി സ്ഥാ​പി​ച്ച ന​ട​പ​ടി​ക്ര​മം അ​നു​സ​രി​ച്ച​ല്ലാ​തെ യാ​തൊ​രാ​ളു​ടെ​യും ജീ​വ​നോ വ്യ​ക്തി സ്വാ​ത​ന്ത്ര്യ​മോ ഇ​ല്ലാ​താ​ക്കാ​ന്‍ പാ​ടു​ള്ള​ത​ല്ല.’’ വ്യ​ക്തി​സ്വാ​ത​ന്ത്ര്യ​ത്തോ​ടെ ജീ​വി​ക്കാ​നു​ള്ള ഒ​രു പൗ​ര​ന്‍റെ അ​വ​കാ​ശ​ത്തെ വ്യ​വ​സ്ഥാ​പി​ത മാ​ർ​ഗ​ങ്ങ​ളി​ലൂ​ടെ രാ​ഷ്ട്രം ഇ​ല്ലാ​താ​ക്കു​ന്ന​തി​ന്‍റെ പാ​ര​മ്യ​ത​യി​ല്‍ ആ​ണ് വ​ധ​ശി​ക്ഷ വ​രു​ന്ന​ത് എ​ന്ന് ഇ​തി​ൽ​നി​ന്ന് വ്യ​ക്തം.

കൊ​ല​പാ​ത​ക കേ​സു​ക​ളി​ലാ​ണ് വ​ധ​ശി​ക്ഷ വി​ധി​ക്കാ​റ്. എ​ന്നാ​ല്‍, എ​ല്ലാ കൊ​ല​പാ​ത​കി​ക​ള്‍ക്കും വ​ധ​ശി​ക്ഷ വി​ധി​ക്കാ​റു​മി​ല്ല. ഇ​വി​ടെ​യാ​ണ് വ​ധ​ശി​ക്ഷ ആ​ര്‍ക്ക്, ഏ​ത് സാ​ഹ​ച​ര്യ​ങ്ങ​ളി​ല്‍ കൊ​ടു​ക്ക​ണം എ​ന്ന കോ​ട​തി​യു​ടെ വി​വേ​ച​നാ​ധി​കാ​രം വ​രു​ന്ന​ത്. കു​റ്റ​കൃ​ത്യം ‘’അ​പൂ​ർ​വ​ങ്ങ​ളി​ല്‍ അ​പൂ​ർ​വം’’ ആ​ണോ എ​ന്ന​തും കു​റ്റ​കൃ​ത്യം ചെ​യ്ത​യാ​ള്‍ യാ​തൊ​രു​വി​ധ മാ​ന​സാ​ന്ത​ര​വും വ​രാ​ന്‍ ഇ​ട​യി​ല്ലാ​ത്ത വി​ധം ക്രൂ​ര​സ്വ​ഭാ​വം ഉ​ള്ള​യാ​ളാ​ണോ എ​ന്ന​തും, കു​റ്റ​കൃ​ത്യ​ത്തി​ന​ക​ത്ത് അ​ന്ത​ര്‍ലീ​ന​മാ​യ ക്രൂ​ര​ത​യു​ടെ അ​ള​വ്, കു​റ്റം ചെ​യ്ത ആ​ളു​ടെ സാ​മൂ​ഹി​ക അ​വ​സ്ഥ, മാ​ന​സി​ക നി​ല എ​ന്നി​വ​യു​മെ​ല്ലാം പ​രി​ഗ​ണി​ച്ചു മാ​ത്ര​മേ ഒ​രാ​ളെ വ​ധ​ശി​ക്ഷ​ക്ക് വി​ട്ടു​കൊ​ടു​ക്കാ​ന്‍ പാ​ടു​ള്ളൂ എ​ന്നാ​ണ് ബ​ച്ച​ന്‍ സി​ങ് (1980) കേ​സി​ല്‍ സു​പ്രീം കോ​ട​തി വി​ധി​പ​റ​ഞ്ഞ​ത്.

ശി​ക്ഷ എ​ന്ന​തു​കൊ​ണ്ട് സാ​മാ​ന്യ​മാ​യി അ​ർ​ഥ​മാ​ക്കു​ന്ന​ത് ഒ​രു സ​മൂ​ഹ​ത്തി​ന​ക​ത്ത് നി​യ​മം കൊ​ണ്ട് നി​ർ​മി​ക്ക​പ്പെ​ട്ട പെ​രു​മാ​റ്റ​ച്ച​ട്ട​ങ്ങ​ളെ ലം​ഘി​ക്കു​ന്ന ആ​ളു​ക​ളെ ആ​ത്യ​ന്തി​ക​മാ​യി അ​ത്ത​രം കു​റ്റ​ങ്ങ​ള്‍ ആ​വ​ര്‍ത്തി​ക്കാ​തെ, സ​മാ​ധാ​ന​പൂ​ർ​ണ​മാ​യ സാ​മൂ​ഹി​ക​ജീ​വി​തം ഉ​റ​പ്പു​വ​രു​ത്തു​ന്ന​തി​നാ​യി നി​യ​മം അ​നു​സ​രി​ക്കു​ന്ന പൗ​ര​രാ​യി പ​രി​വ​ര്‍ത്ത​ന​പ്പെ​ടു​ത്താ​നു​ള്ള ഒ​രു ഉ​പാ​ധി ആ​യി​ട്ടാ​ണ്. താ​ക്കീ​ത് ന​ല്‍കു​ക, കൗ​ണ്‍സ​ലി​ങ് ന​ല്‍കു​ക, പി​ഴ ഈ​ടാ​ക്കു​ക, ചി​ല സ​വി​ശേ​ഷ അ​വ​കാ​ശ​ങ്ങ​ള്‍ ത​ല്‍ക്കാ​ല​ത്തേ​ക്ക് നി​ഷേ​ധി​ക്കു​ക, ചി​ല സാ​ഹ​ച​ര്യ​ങ്ങ​ളി​ല്‍ കു​റ​ഞ്ഞ കാ​ല​ത്തേ​ക്ക് ത​ട​വി​ലി​ടു​ക, മ​റ്റു ചി​ല സാ​ഹ​ച​ര്യ​ങ്ങ​ളി​ല്‍ ജീ​വി​ത​കാ​ലം മു​ഴു​വ​ന്‍ ത​ട​വി​ലി​ടു​ക തു​ട​ങ്ങി നി​ര​വ​ധി മാ​ർ​ഗ​ങ്ങ​ളാ​ണ് ശി​ക്ഷ എ​ന്ന​തി​ന​ക​ത്ത് വ​രു​ന്ന​ത്.

സ​മൂ​ഹ​ത്തി​ന്‍റെ നി​ല​നി​ൽ​പി​നെ ത​ന്നെ ചോ​ദ്യം ചെ​യ്യു​ന്ന ത​ര​ത്തി​ല്‍ വ്യാ​ഖ്യാ​നി​ക്കാ​ന്‍ ക​ഴി​യു​ന്ന കു​റ്റ​കൃ​ത്യ​ങ്ങ​ള്‍ ഉ​ണ്ടാ​കു​മ്പോ​ള്‍, അ​ത്ത​രം വ്യ​ക്തി​ക​ളെ സ്വ​യം ന​ന്നാ​കാ​ന്‍ അ​നു​വ​ദി​ക്കു​ന്ന​ത് അ​ന​ഭി​ല​ഷ​ണീ​യ​മാ​ണെ​ന്ന് കോ​ട​തി​ക്ക് തോ​ന്നു​മ്പോ​ളാ​ണ് കു​റ്റ​വാ​ളി​യെ ഈ ​ഭൂ​മി​യി​ല്‍ നി​ന്നു​ത​ന്നെ ഇ​ല്ലാ​യ്മ ചെ​യ്യു​ന്ന വ​ധ​ശി​ക്ഷ എ​ന്ന​ത് ഉ​ണ്ടാ​കു​ന്ന​ത്. ഈ​യ​ടു​ത്ത് പാ​ല​ക്കാ​ട്ട് ര​ണ്ടു​പേ​രെ കൊ​ന്ന ചെ​ന്താ​മ​ര എ​ന്ന​യാ​ളെ ഭൂ​മു​ഖ​ത്തു​നി​ന്ന്‍ ത​ന്നെ ഇ​ല്ലാ​താ​ക്ക​ണം എ​ന്ന് ടെ​ലി​വി​ഷ​ന്‍ ചാ​ന​ലു​ക​ളി​ല്‍ ആ​ളു​ക​ള്‍ പ​റ​യു​മ്പോ​ള്‍ അ​വ​ര്‍ അ​റി​ഞ്ഞോ അ​റി​യാ​തെ​യോ പി​ന്തു​ണ​ക്കു​ന്ന​ത് വ​ധ​ശി​ക്ഷ​യു​ടെ സാ​മൂ​ഹി​ക ഉ​പ​യു​ക്ത​ത​യെ (Social Utility of Capital Punishment) സൈ​ദ്ധാ​ന്തി​ക​വ​ത്ക​രി​ച്ച ജെ​ര്‍മി ബ​ന്താ​മി​നെ​യാ​ണ്. കു​റ്റം ചെ​യ്ത​വ​നെ ഇ​ല്ലാ​താ​ക്കി​യാ​ല്‍ സ​മൂ​ഹ​ത്തി​ന്‍റെ ക്ഷേ​മം കൂ​ടു​മെ​ങ്കി​ല്‍ വ​ധ​ശി​ക്ഷ ആ​കാ​മെ​ന്നാ​ണ് ഇ​മ്മാ​നു​വാ​ന്‍ കാ​ന്റി​നെ പോ​ലു​ള്ള ചി​ന്ത​ക​ര്‍ പ​റ​ഞ്ഞ​ത്. എ​ന്നാ​ല്‍, സീ​സ​ര്‍ ബ​ക്കാ​രി​യ​യു​ടെ അ​ഭി​പ്രാ​യ​ത്തി​ൽ വ​ധ​ശി​ക്ഷ എ​ന്ന​ത് പൗ​ര​ർ​ക്കു​മേ​ല്‍ ഭ​ര​ണ​കൂ​ടം ന​ട​ത്തു​ന്ന യു​ദ്ധ​മാ​ണ്.

വി​ഷം കൊ​ടു​ത്ത് കൊ​ല്ലു​ക, ത​ല​കീ​ഴാ​യി കെ​ട്ടി​ത്തൂ​ക്കി​യി​ട്ട് ശ​രീ​രം മു​ഴു​വ​ന്‍ മു​റി​വു​ക​ള്‍ ഉ​ണ്ടാ​ക്കി മെ​ല്ലെ മെ​ല്ലെ ചോ​ര​വാ​ര്‍ന്ന്‍ മ​രി​ക്കാ​ന്‍ വി​ടു​ക, ആ​ന​ക​ളെ കൊ​ണ്ട് ച​വി​ട്ടി​ക്കൊ​ല്ലി​ക്കു​ക, വ​ന്യ​മൃ​ഗ​ങ്ങ​ള്‍ക്കൊ​പ്പം ഇ​ടു​ക, പാ​മ്പി​നെ കൊ​ണ്ട് ക​ടി​പ്പി​ക്കു​ക, വി​ഷം കൊ​ടു​ക്കു​ക, വെ​ടി​വെ​ച്ചു കൊ​ല്ലു​ക, വൈ​ദ്യു​തി ക​സേ​ര​യി​ല്‍ ഇ​രു​ത്തി കൊ​ല്ലു​ക, ഗി​ല്ല​റ്റി​ന്‍ വാ​ളു​ക​ള്‍ ഉ​പ​യോ​ഗി​ക്കു​ക തു​ട​ങ്ങി നി​ര​വ​ധി മാ​ർ​ഗ​ങ്ങ​ള്‍ ച​രി​ത്ര​ത്തി​ല്‍ വ​ധ​ശി​ക്ഷ​ക്കാ​യി ഉ​പ​യോ​ഗി​ച്ചി​ട്ടു​ണ്ട്. എ​ന്നാ​ല്‍, വ​ധ​ശി​ക്ഷ ജ​നാ​ധി​പ​ത്യ വി​രു​ദ്ധ​മാ​ണെ​ന്നാ​ണ് ആ​ധു​നി​ക ജ​നാ​ധി​പ​ത്യ സ​മൂ​ഹ​ങ്ങ​ളു​ടെ വീ​ക്ഷ​ണം. പ​ല രാ​ജ്യ​ങ്ങ​ളും വ​ധ​ശി​ക്ഷ റ​ദ്ദ് ചെ​യ്തി​ട്ടു​ണ്ട്. നി​ല​വി​ല്‍ വ​ധ​ശി​ക്ഷ നി​ല​നി​ൽ​ക്കു​ന്ന രാ​ജ്യ​ങ്ങ​ൾ​പോ​ലും ക​ഴി​യു​ന്ന​ത്ര അ​ത് ഒ​ഴി​വാ​ക്കാ​നും ശ്ര​മി​ച്ചു​പോ​രു​ന്നു.

കു​റ്റ​കൃ​ത്യ​ത്തെ കു​റ്റ​വാ​ളി​യി​ല്‍നി​ന്ന് മാ​റ്റി​നി​ര്‍ത്തി വി​ശ​ക​ല​നം ചെ​യ്യു​ന്ന​ത് ഒ​രു ജ​നാ​ധി​പ​ത്യ സ​മൂ​ഹ​ത്തി​ന് ഭൂ​ഷ​ണ​മ​ല്ല. ഒ​രേ തെ​റ്റ് പ​ല സാ​മൂ​ഹി​ക സം​വ​ര്‍ഗ​ങ്ങ​ളി​ല്‍പെ​ട്ട ആ​ളു​ക​ള്‍ ചെ​യ്യു​മ്പോ​ള്‍ അ​തി​നെ​ല്ലാം ഒ​രേ ശി​ക്ഷ വി​ധി​ക്കു​ന്ന​ത് അ​ന്യാ​യ​മാ​ണ് എ​ന്ന യു​ക്തി​യി​ലാ​ണ് കു​റ്റ​വാ​ളി​യെ​യും അ​യാ​ള്‍ ചെ​യ്ത കു​റ്റ​ത്തെ​യും വേ​ര്‍തി​രി​ക്കാ​തെ, കു​റ്റ​ത്തെ​യും കു​റ്റ​വാ​ളി​യെ​യും അ​വ​രു​ടെ സ​മ​ഗ്ര​ത​യി​ല്‍ ന​മ്മ​ള്‍ പ​രി​ഗ​ണി​ക്ക​ണം എ​ന്ന ചി​ന്ത വ​രു​ന്ന​ത്. ഒ​രേ കു​റ്റം ചെ​യ്യു​ന്ന പ്രാ​യ​പൂ​ര്‍ത്തി​യാ​കാ​ത്ത ഒ​രാ​ളെ​യും, പ്രാ​യ​പൂ​ര്‍ത്തി​യാ​യ ഒ​രാ​ളെ​യും അ​തേ കു​റ്റം ആ​വ​ര്‍ത്തി​ക്കു​ന്ന ഒ​രു സീ​സ​ണ​ല്‍ ക്രി​മി​ന​ലി​നെ​യും ഒ​രേ അ​ള​വു​കോ​ലു​ക​ള്‍ കൊ​ണ്ട് അ​ള​ക്കു​ന്ന​ത് ഉ​ചി​ത​മാ​വി​ല്ല​ല്ലോ.

ഒ​രു കൊ​ല​പാ​ത​ക​ത്തി​ലേ​ക്ക് ഒ​രു വ്യ​ക്തി എ​ത്തി​ച്ചേ​രു​ന്ന സാ​ഹ​ച​ര്യ​ങ്ങ​ള്‍ കൃ​ത്യ​മാ​യി പ​രി​ഗ​ണി​ക്കു​ക എ​ന്ന​ത് ശി​ക്ഷാ​വി​ധി​ക​ളു​ടെ പി​റ​കി​ലെ ഏ​റ്റ​വും പ്ര​ധാ​ന​പ്പെ​ട്ട ഒ​രു കാ​ര്യ​മാ​ണ്. കൃ​ത്യ​മാ​യ മു​ന്നൊ​രു​ക്ക​ങ്ങ​ള്‍ ന​ട​ത്തി, വ്യ​ക്ത​മാ​യ ആ​സൂ​ത്ര​ണ​ത്തോ​ടെ, സ്ഥ​ല​വും സ​മ​യ​വും സാ​ഹ​ച​ര്യ​ങ്ങ​ളും ഒ​രു​ക്കി കൊ​ല​പാ​ത​കം ന​ട​ത്തു​ക​യും, എ​ന്നാ​ല്‍ ത​നി​ക്ക് ഈ ​കൊ​ല​പാ​ത​ക​ത്തി​ല്‍ ഒ​രു പ​ങ്കും ഇ​ല്ലെ​ന്ന നാ​ട്യ​ത്തി​ല്‍ തെ​ളി​വു​ക​ള്‍ ന​ശി​പ്പി​ച്ചു​കൊ​ണ്ട് കൃ​ത്യം ന​ട​പ്പി​ലാ​ക്കു​ന്ന ഒ​രാ​ളെ വ​ധ​ശി​ക്ഷ​ക്ക് വി​ധി​ക്ക​ണോ എ​ന്ന കാ​ര്യ​ത്തി​ല്‍ തീ​ര്‍ച്ച​യാ​യും കോ​ട​തി​ക​ള്‍ക്ക് വി​വേ​ച​നാ​ധി​കാ​രം പ്ര​യോ​ഗി​ക്കാ​വു​ന്ന​താ​ണ്.

സ്ത്രീ​ധ​ന പീ​ഡ​നം, ദു​ര​ഭി​മാ​നം, കു​ടും​ബ​ങ്ങ​ള്‍ക്ക​ക​ത്തെ സ്വ​ത്തു​ത​ർ​ക്കം, വ​ഴി​വി​ട്ട ബ​ന്ധ​ങ്ങ​ൾ, മ​ദ്യ-​മ​യ​ക്കു​മ​രു​ന്ന് സ്വാ​ധീ​നം, അ​ന്ധ​വി​ശ്വാ​സം തു​ട​ങ്ങി പ​ല​വി​ധ കാ​ര​ണ​ങ്ങ​ള്‍കൊ​ണ്ട് കേ​ര​ള​ത്തി​ല്‍ ഏ​താ​ണ്ട് എ​ല്ലാ ദി​വ​സ​വും ഒ​ന്നി​ലേ​റെ കൊ​ല​പാ​ത​ക​ങ്ങ​ള്‍ റി​പ്പോ​ര്‍ട്ട് ചെ​യ്യ​പ്പെ​ടു​ന്നു​ണ്ട്. കേ​വ​ലം ഭ​ര​ണ​കൂ​ട​ത്തി​ന്‍റെ ക​ഴി​വി​ല്ലാ​യ്മ​യോ പൊ​ലീ​സി​ന്‍റെ കാ​ര്യ​ക്ഷ​മ​ത ഇ​ല്ലാ​യ്മ​യോ അ​ല്ല ഇ​വ പെ​രു​കാ​നു​ള്ള കാ​ര​ണം. ഇ​തി​നെ​ല്ലാം പി​റ​കി​ല്‍ സാ​മൂ​ഹി​ക​വും സാ​മ്പ​ത്തി​ക​വും മ​നഃ​ശാ​സ്ത്ര​പ​ര​വു​മാ​യ കാ​ര​ണ​ങ്ങ​ളു​ണ്ട്. എ​ന്നാ​ല്‍, അ​ത്ത​രം കാ​ര​ണ​ങ്ങ​ളു​ടെ ആ​ഴ​ങ്ങ​ളി​ലേ​ക്ക് അ​ന്വേ​ഷ​ണം പോ​കാ​തെ തൊ​ലി​പ്പു​റ​ത്തെ കാ​ര്യ​ങ്ങ​ളി​ല്‍ മാ​ത്ര​മാ​ണ് ന​മ്മു​ടെ ശ്ര​ദ്ധ പോ​കു​ന്ന​ത്. എ​ന്തു​കൊ​ണ്ട് ഗ്രീ​ഷ്മ​മാ​രും ചെ​ന്താ​മ​ര​മാ​രും സ​മൂ​ഹ​ത്തി​ല്‍ നി​ര​ന്ത​രം ഉ​ണ്ടാ​കു​ന്നു എ​ന്ന​താ​ണ് പ​രി​ശോ​ധി​ക്കേ​ണ്ട​ത്. മ​ത സം​ഘ​ട​ന​ക​ളും അ​ക്കാ​ദ​മി​ക സ​മൂ​ഹ​വും രാ​ഷ്ട്ര​വും അ​തി​ന് മു​ന്‍കൈ​യെ​ടു​ക്കേ​ണ്ട​തു​ണ്ട്.

കൊ​ല​യാ​ളി​ക​ളെ രൂ​പ​പ്പെ​ടു​ത്തു​ന്ന സാ​മൂ​ഹി​ക സാ​മ്പ​ത്തി​ക സാ​ഹ​ച​ര്യ​ങ്ങ​ൾ വി​ല​യി​രു​ത്ത​പ്പെ​ടേ​ണ്ട​തു​ണ്ട്. ന​മ്മു​ടെ കു​ട്ടി​ക​ള്‍ എ​വി​ടെ​യാ​ണ് എ​ങ്ങ​നെ​യാ​ണ് വ​ഴി​തെ​റ്റി​പ്പോ​കു​ന്ന​തെ​ന്ന്‍ അ​ന്വേ​ഷി​ക്കാ​നു​ള്ള ബാ​ധ്യ​ത ന​മു​ക്ക് ഓ​രോ​രു​ത്ത​ര്‍ക്കും ഉ​ണ്ട്. അ​ത് ഭ​ര​ണ​കൂ​ട​ത്തി​ന്‍റെ മാ​ത്രം ഉ​ത്ത​ര​വാ​ദി​ത്തം അ​ല്ല. വ്യ​ക്തി എ​ന്ന​ത് സ​മൂ​ഹ​വു​മാ​യി ബ​ന്ധ​മോ സ​മൂ​ഹ​ത്തോ​ട് ഉ​ത്ത​ര​വാ​ദി​ത്ത​മോ ഇ​ല്ലാ​ത്ത ആ​ത്മ​സു​ഖം മാ​ത്രം തി​ര​യു​ന്ന ഒ​രു മൃ​ഗ​മാ​ണെ​ന്ന തോ​ന്ന​ലാ​ണ് മു​ത​ലാ​ളി​ത്ത ക​മ്പോ​ള​വും ഇ​ന്‍റ​ര്‍നെ​റ്റ് ലോ​ക​വും വ്യ​ക്തി​ക​ള്‍ക്ക് ന​ല്‍കു​ന്ന​ത്. ഈ ​മി​ഥ്യാ​ലോ​ക​ത്തെ കൊ​ഴു​പ്പി​ക്കു​ക​യാ​ണ് മ​ദ്യ​വും മ​യ​ക്കു​മ​രു​ന്നും ലൈം​ഗി​ക അ​രാ​ജ​ക​ത്വ​വും ചെ​യ്യു​ന്ന​ത്. കേ​വ​ലം ഗ്രീ​ഷ്മ​യേ​യോ ചെ​ന്താ​മ​ര​യേ​യോ തൂ​ക്കി​ക്കൊ​ന്നാ​ല്‍ ര​ക്ഷ​പ്പെ​ടാ​വു​ന്ന​ത​ല്ല കേ​ര​ളം എ​ത്തി​നി​ല്‍ക്കു​ന്ന സാ​മൂ​ഹി​ക സാ​മ്പ​ത്തി​ക പ്ര​തി​സ​ന്ധി.

(കൊ​ടു​ങ്ങ​ല്ലൂ​ര്‍ ഗ​വ. കോ​ള​ജി​ൽ അ​സോ​സി​യ​റ്റ് പ്ര​ഫ​സ​റാ​ണ് ലേ​ഖ​ക​ൻ) simanuraj@gmail.com