ഉയ്​ഗൂർ മുസ്​ലിംകളും യു.എസ്​–ചൈന ബന്ധവും

ഹോ​ങ്കോ​ങ്ങിലെ ജ​നാ​ധി​പ​ത്യപ്ര​ക്ഷോ​ഭ​ങ്ങ​ളി​ൽ നേ​രി​ട്ട്​ ഇട​പെ​ടാ​ൻ അ​മേ​രി​ക്ക​ൻ പ്ര​സി​ഡ​ൻറിനും സ​ർ​ക്കാ​റി​നും അ​നു​മ​തി ന​ൽ​കു​ന്ന ബി​ല്ലിൽ ഡോണൾഡ്​ ട്രംപ്​ ഒപ്പുവെച്ചത്​ നവംബർ അവസാനവാരമാണ്​. സ​മാ​ന​മാ​യി സി​ൻ​ജ്യ​ങ് മുസ്​ലിംക​ൾ​ക്കു നേ​രെ ചൈ​ന ന​ട​ത്തു​ന്ന അ​തി​ക്രൂ​ര​മാ​യ സാം​സ്കാ​രി​ക വം​ശീ​യ ഉന്മൂ​ല​ന​ത്തെ ചെ​റു​ക്കു​ന്ന​തി​നു​ള്ള ഉ​യ്ഗൂ​ർ മ​നു​ഷ്യാ​വ​കാ​ശ​ന​യ നി​യ​മ​വും അ​മേ​രി​ക്ക പ​സാ​ക്കി​യി​രി​ക്കു​ന്നു. ട്രം​പിെ​ൻ​റ അം​ഗീ​കാ​ര​ത്തോ​ടെ നി​യ​മം പ്രാ​ബ​ല്യ​ത്തി​ലാ​കും. ബി​ല്ലി​നെ വീ​റ്റോ ചെ​യ്യു​മോ എ​ന്ന ചോ​ദ്യ​ത്തി​ന് വൈ​റ്റ് ഹൗ​സ് വ​ക്താ​വ് മൗ​നം പാ​ലി​ച്ചു​വെ​ങ്കി​ലും ചൈ​ന​യു​മാ​യു​ള്ള രാഷ്​ട്രീ​യ സാ​ഹ​ച​ര്യം പ​രി​ഗ​ണി​ച്ച് അതിനു​ള്ള സാ​ധ്യ​ത വി​ദൂ​ര​മാ​​െണ​ന്നാ​ണ് രാഷ്​ട്രീയ നി​രീ​ക്ഷ​ണം.

ഡെമോ​ക്രാ​റ്റു​ക​ൾ​ക്ക് ഭൂ​രി​പ​ക്ഷ​മു​ള്ള സെ​ന​റ്റി​ൽ ഒ​ന്നി​നെ​തി​രെ 471 വോ​ട്ടു​ക​ൾ​ക്കാ​ണ് ബി​ൽ അം​ഗീ​ക​രി​ക്ക​പ്പെ​ട്ട​ത്. ചൈ​ന​ക്കു നേ​രെ ഉ​പ​രോ​ധ​ങ്ങ​ളും നേ​താ​ക്ക​ളു​ടെ യാ​ത്ര​ക്ക് നി​യ​ന്ത്ര​ണ​ങ്ങ​ളും ഏ​ർ​പ്പെ​ടു​ത്താ​ൻ അ​നു​വ​ദി​ക്കു​ന്ന ബി​ൽ, ഉ​യ്ഗൂ​റു​ക​ൾ​ക്കെ​തി​രെ ചൈ​നീ​സ് സ​ർ​ക്കാ​ർ സ്വീ​ക​രി​ക്കു​ന്ന മ​നു​ഷ്യാ​വ​കാ​ശ ലം​ഘ​ന​ങ്ങ​ളു​ടെ റി​പ്പോ​ർ​ട്ട് ത​യാ​റാ​ക്കാ​ൻ അ​മേ​രി​ക്ക​യി​ലെ വി​വി​ധ വ​കു​പ്പു​ക​ളോ​ട് ആ​വ​ശ്യ​പ്പെ​ടു​ക​യും ചെ​യ്യു​ന്നു​ണ്ട്. അ​തോ​ടൊ​പ്പം ചൈ​ന സി​ൻ​ജ്യ​ങ് മേ​ഖ​ല​യി​ൽ ന​ട​ത്തു​ന്ന സൈ​നി​കാ​ക്ര​മ​ണ​ങ്ങ​ൾ, ത​ട​വുകേ​ന്ദ്ര​ങ്ങ​ൾ, അ​വി​ടെ ന​ട​ക്കു​ന്ന പീ​ഡ​ന​ങ്ങൾ തു​ടങ്ങിയ​വ​യെക്കുറി​ച്ച് എ​ഫ്.​ബി.​ഐ​യെ വി​വ​ര​ങ്ങ​ൾ ശേ​ഖ​രി​ക്കാ​ൻ ചു​മ​ത​ല​പ്പെ​ടു​ത്തു​ക​യും ചെ​യ്യു​ന്നു. ചൈ​ന​യു​ടെ മാ​ധ്യ​മപ്ര​ചാ​ര​ണ ത​ന്ത്ര​ങ്ങ​ളെ ചെ​റു​ക്കാ​നാ​വ​ശ്യ​മാ​യ നി​ർദേ​ശ​ങ്ങ​ളും ബി​ല്ലി​ൽ അ​ടങ്ങിയി​ട്ടു​ണ്ട്. മ​ന​ുഷ്യാ​വ​കാ​ശ സം​ഘ​ട​ന​ക​ളു​ടെ നീ​ണ്ടകാ​ല​ത്തെ ആ​വ​ശ്യ​ങ്ങ​ളെ നി​വ​ർ​ത്തി​ക്കു​ന്ന​തും ഉ​യ്ഗൂ​ർ മുസ്​ലിം​ക​ളു​ടെ നേ​രെ ന​ട​ക്കു​ന്ന സാം​സ്കാ​രി​ക വം​ശീ​യ​ത​യെ ചെ​റു​ക്കാ​ൻ ഉ​പ​ക​രി​ക്കു​ന്ന​തു​മാ​ണ് ഉ​യ്ഗൂ​ർ മ​നു​ഷ്യ​ാവ​കാ​ശ നി​യ​മം.

യു.​എ​സ് പ്ര​തി​നി​ധിസ​ഭ പാ​സാ​ക്കി​യ ബി​ല്ലി​നെ​തി​രെ ക​ടു​ത്ത വി​മ​ർ​ശ​ന​വു​മാ​യി ചൈ​ന രം​ഗ​ത്തി​റങ്ങിയി​രി​ക്കു​ന്നു. ഹോ​ങ്കോങ് പ്ര​ക്ഷോ​ഭ​വു​മാ​യി ബ​ന്ധ​പ്പെ​ട്ട ബി​ല്ലി​ലൂ​ടെ മു​ഖം ന​ഷ്​ട​പ്പെ​ട്ട ചൈ​ന​ക്കു​ള്ള മ​റ്റൊ​രു പ്ര​ഹ​രംത​ന്നെ​യാ​ണ് അ​മേ​രി​ക്ക​യു​ടെ ഈ ​തീ​രു​മാ​ന​വും. വ്യാ​പാ​രയു​ദ്ധ​ത്തി​ലൂ​ടെ അവതാളത്തിലാ​യ യു.​എ​സ്^ ചൈ​ന ബ​ന്ധം ഇ​തോ​ടു​കൂ​ടി കൂ​ടു​ത​ൽ കാ​ലു​ഷ്യ​മേ​റി​യി​രി​ക്കു​ന്നു. അ​മേ​രി​ക്ക​യു​ടെ ന​യ​ത​ന്ത്ര പാ​സ്പോ​ർ​ട്ടു​ള്ള 30 ​പേ​ർ​ക്ക് ചൈ​നീ​സ് സ​ർ​ക്കാ​ർ രാ​ജ്യ​ത്തേ​ക്കു​ള്ള പ്ര​വേ​ശ​നം നി​ഷേ​ധി​ച്ചി​രി​ക്കു​ക​യാ​ണ്.

ചൈ​നീ​സ് ഉ​ൾ​ക്കട​ലി​ലേ​ക്കു​ള്ള ക​പ്പ​ലു​ക​ളു​ടെ പ്ര​വേ​ശ​ന​ത്തി​നും നി​യ​ന്ത്ര​ണം കൊ​ണ്ടു​വ​രു​മെ​ന്ന ഭീ​ഷ​ണി​യും അ​വ​ർ ഉ​യ​ർ​ത്തി​ക്കഴി​ഞ്ഞു. അ​തി​നു പ്ര​തി​ക​ര​ണ​മാ​യി ഉ​യ്ഗൂ​ർ മുസ്​ലി​ംകൾ​ക്കു​നേ​െ​ര​യു​ള്ള പീ​ഡ​ന​ങ്ങ​ൾ​ക്ക് നേ​തൃ​ത്വം വ​ഹി​ക്കു​ന്ന പോ​ളി​റ്റ് ബ്യൂ​റോ അം​ഗ​വും സി​ൻ​ജ്യ​ങ് ക​മ്യൂ​ണി​സ്​റ്റ്​ സെ​ക്ര​ട്ട​റി​യു​മാ​യ ചെ​ൻ ജ്യു​യാ​ങ്ങു​വി​ന് യാ​ത്രാ​വി​ല​ക്കി​നു​ള്ള ശ്ര​മ​ത്തി​ലാ​ണ് അ​മേ​രി​ക്ക. അ​ത്ത​ര​മൊ​രു ഉ​പ​രോ​ധം കൊ​ണ്ടു​വ​ന്നാ​ൽ അ​മേ​രി​ക്ക​യു​ടെ വി​ദേ​ശ സെ​ക്ര​ട്ട​റി മൈ​ക് പോം​പി​യോ​വി​ന് ചൈ​ന​യി​ൽ പ്ര​വേ​ശ​നം നി​ഷേ​ധി​ച്ചു​കൊ​ണ്ട് മ​റു​പ​ടി ന​ൽ​ക​ണ​മെ​ന്ന് ചൈ​ന​യി​ലെ ഉ​യ​ർ​ന്ന ഉ​ദ്യോ​ഗ​സ്ഥ സ​മി​തി അ​ഭി​പ്രാ​യ​പ്പെ​ട്ടി​രി​ക്കു​ന്നു. അ​തിെ​ൻ​റ അ​ദ്യ​പ​ടി​യാ​യി ഉ​യ്ഗൂ​റി​ലെ മ​നു​ഷ്യാ​വ​കാ​ശ വി​ഷ‍യ​ങ്ങ​ളി​ലും ഹോ​ങ്കോങ് ജ​നാ​ധി​പ​ത്യ പ്ര​ക്ഷോ​ഭ​ത്തി​നും പി​ന്തു​ണ പ്ര​ഖ്യാ​പി​ച്ച സ​ന്ന​ദ്ധ സം​ഘ​ങ്ങ​ൾ​ക്ക് ചൈന യാ​ത്രാവി​ല​ക്ക് പ്ര​ഖ്യാ​പി​ച്ചി​രി​ക്കുന്നു.

ലോ​ക മ​ന​ഃസാ​ക്ഷി​യു​ടെ പ്ര​തി​ക​ര​ണ​മാ​ണ് ഈ ​ബി​ല്ലെ​ന്ന് ഡെ​മോ​ക്രാ​റ്റി​ക് േന​താ​വ് നാ​ൻ​സി പെ​ലോ​സി അ​വ​കാ​ശ​പ്പെ​ടു​ന്നു​ണ്ടെ​ങ്കി​ലും മ​നു​ഷ്യാ​വ​കാ​ശവി​ഷ‍യ​ങ്ങ​ളി​ൽ ഇ​ര​ട്ട​ത്താ​പ്പു​ക​ളു​ടെ ച​രി​ത്രം മാ​ത്രം പ​റ​യാ​നു​ള്ള ട്രം​പി​നും അ​മേ​രി​ക്ക​ക്കും അ​ന്ത​ർ​ദേ​ശീ​യ സമ്മർ​ദം മു​റു​ക്കി ചൈ​ന​യെ ഒ​തു​ക്കു​ന്ന​തി​ൽ ക​വി​ഞ്ഞ രാഷ്​ട്രീ​യ​മാ​നം ഈ ​ബി​ല്ലിനി​ല്ലെ​ന്ന വി​മ​ർ​ശ​ന​വും അ​തു​പോ​ലെ ശ​ക്ത​മാ​ണ്. ഉ​യ്ഗൂ​ർ മുസ്​ലിം പീ​ഡ​നം അ​വ​സാ​നി​പ്പി​ക്കാ​നു​ള്ള ആ​ത്മാ​ർ​ഥ​മാ​യ ആ​ഗ്ര​ഹ​മോ മ​നു​ഷ്യാ​വ​കാ​ശ​ങ്ങ​ളോ​ടു​ള്ള പ്ര​തി​ബ​ദ്ധ​ത​യോ അ​ല്ല; മ​റി​ച്ച്, വ്യാ​പാ​ര ച​ർ​ച്ച​ക​ളി​ൽ ചൈ​ന​ക്കു​മേ​ൽ സ​മ്മർദം ചെ​ലു​ത്താ​നു​ള്ള ഗൂഢതാ​ൽ​പ​ര്യ​ങ്ങ​ളാ​ണ് ഈ ​ബി​ല്ലി​ലൂ​ടെ ല​ക്ഷ്യ​മി​ടു​ന്നത്​ എന്ന്​ അ​വ​ർ ക​രു​തു​ക​യും ചെ​യ്യു​ന്നു.

അ​തു​കൊ​ണ്ടു​ത​ന്നെ ഉ​യ്ഗൂ​റി​ലെ പീ​ഡ​നം അ​വ​സാ​നി​പ്പി​ക്കു​ന്ന​തി​ലു​പ​രി അ​മേ​രി​ക്ക​യെ വ​രു​തി​യി​ലാ​ക്കാ​നു​ള്ള ന​യ​ത​ന്ത്ര നീ​ക്ക​ങ്ങ​ൾ​ക്കും മ​റു സ​മ്മർദ​ങ്ങ​ൾ​ക്കു​മാ​ണ് ഊ​ന്ന​ൽ ന​ൽ​കേ​ണ്ട​തെ​ന്ന നി​ല​പാ​ടി​ലാ​ണ് ചൈ​ന. അ​മേ​രി​ക്ക​യു​ടെ അ​തി​ർ​ത്തി​യി​ലും ലോ​ക​ത്തി​ലെ വി​വി​ധ ഭാ​ഗ​ങ്ങ​ളി​ലും അ​മേ​രി​ക്ക ന​ട​ത്തി​ക്കൊ​ണ്ടി​രി​ക്കു​ന്ന മ​നു​ഷ്യാ​വ​കാ​ശ ധ്വം​സ​ന​ങ്ങ​ൾ അ​ന്താ​രാഷ്​ട്ര വേ​ദി​ക​ളി​ൽ ഉ​യ​ർ​ത്താ​നും അ​വ​ർ തീ​രു​മാ​നി​ച്ചി​ട്ടു​ണ്ട്. നാ​സി കാ​ല​ത്തെ തോ​ൽ​പി​ക്കും​വി​ധം അ​തി​നി​ഷ്ഠു​ര​മാ​യ മ​ർദ​ന​ങ്ങ​ളും ലൈം​ഗി​കപീ​ഡ​ന​ങ്ങ​ളു​മാ​ണ് പു​ന​ർ​വി​ദ്യാ​ഭ്യാ​സ ക്യാമ്പു​ക​ളെ​ന്ന് വി​ളി​ക്ക​പ്പെ​ടു​ന്ന കോ​ൺ​സ​ൻ​ട്രേ​ഷ​ൻ ജ​യ​ില​റ​ക​ളി​ൽ അ​ര​ങ്ങേ​റു​ന്ന​ത്.

ത​ട​വ​റ​ക​ളി​ൽനി​ന്ന് ര​ക്ഷ​പ്പെ​ട്ട​വ​രു​ടെ ദു​ര​ന്ത​പ​ർ​വ​ങ്ങ​ൾ കേ​ൾ​ക്കു​ക അ​നു​ക​മ്പ ഹൃ​ദ​യ​മു​ള്ള​വ​ർ​ക്ക് അ​സാ​ധ്യ​മാം​വി​ധം ഭീ​ക​ര​വും. 11 ല​ക്ഷം മുസ്​ലിം​ക​ളു​ടെ വം​ശീ​യ ഉന്മൂ​ല​ന​ത്തി​നു​ള്ള രാഷ്​ട്രീ​യ പ​രി​ഹാ​ര​ത്തി​ലേ​ക്കു​ള്ള വ​ഴി​തു​റ​ക്കാ​ൻ ബി​ല്ലി​ലെ നി​ർദേ​ശ​ങ്ങ​ൾ മ​നു​ഷ്യാ​വ​കാ​ശ പ്ര​വ​ർ​ത്ത​ക​ർ​ക്ക് ഉ​പ​കാ​ര​പ്പെ​ടും. അ​ന്ത​ർ​ദേ​ശീ​യ സ​മ്മർദം ഉ​യ​ർ​ത്തു​ന്ന​തിലും താ​ൽ​ക്കാ​ലി​ക​മാ​യെ​ങ്കി​ലും പീ​ഡ​ന​ങ്ങ​ൾ കു​റ​ക്കു​ന്ന​തി​ലും അ​ത് വി​ജ​യി​ച്ചേ​ക്കും. പക്ഷേ, വ​ർ​ഷ​ങ്ങ​ളാ​യി നി​ർ​ബാ​ധം ന​ട​ന്നു​കൊ​ണ്ടി​രി​ക്കു​ന്ന സാം​സ്കാ​രി​ക വം​ശ​ഹ​ത്യ​യെ ചെ​റു​ക്കാ​ൻ ഈ ​ബി​ല്ലി​ലൂ​ടെ സാ​ധ്യ​മാ​കു​മെ​ന്ന് വി​ശ്വ​സി​ക്കാ​ൻ വി​സ​മ്മ​തി​ക്കു​ന്ന​താ​ണ് ട്രം​പിെ​ൻ​റ ഭ​ര​ണ​കൂ​ട താ​ൽ​പ​ര്യ​ങ്ങ​ൾ.