കോഴിക്കോട്: മാർബിൾ ലോഡ് ഇറക്കുന്നതിനിടെ മാർബിൾപാളികൾ ദേഹത്തു വീണ് ചുമട്ടുതൊഴിലാളി മരിച്ചു. ചേവായൂർ സ്വദേശി പുൽപറമ്പിൽ രാജനാണ് (49) മരിച്ചത്. വെള്ളിയാഴ്ച രാവിലെ 11 മണിയോടെ ചേവായൂർ സ്കൂളിനു സമീപം പഴയ റോഡിലാണ് സംഭവം. വിവിധയിടങ്ങളിലേക്കായി കണ്ടെയ്നറിൽ എത്തിയ മാർബിൾ ഇറക്കുന്നതിനിടെയാണ് അപകടം. രണ്ടു ലോഡ് ഇറക്കിയശേഷം മൂന്നാമത്തെ ലോഡ് ഇറക്കുന്നതിനിടെ മാർബിൾഷീറ്റുകൾ രാജന്റെ ദേഹത്തേക്ക് വീഴുകയായിരുന്നു. ഉടൻ മെഡിക്കൽ കോളജ് ആശുപത്രിയിൽ എത്തിച്ചെങ്കിലും 11.30ഓടെ മരിച്ചു. ഭാര്യ: ദീപ. മക്കൾ: ശ്രാവൺ രാജ്, തീർഥ രാജ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.