നിലമ്പൂ൪: കോൺഗ്രസ് ഓഫിസിൽ തൂപ്പുകാരി രാധ കൊല്ലപ്പെട്ട കേസിൽ ഇപ്പോൾ നടക്കുന്ന അന്വേഷണത്തിൽ വിശ്വാസമില്ളെന്നും കേസ് സി.ബി.ഐ അന്വേഷിക്കണമെന്നാവശ്യപ്പെട്ട് കോടതിയെ സമീപിക്കുമെന്നും രാധയുടെ ബന്ധുക്കൾ പറഞ്ഞു.
മുഖ്യപ്രതി ബിജുവിൻെറ മൊഴിപ്രകാരമുള്ള അന്വേഷണം മാത്രമാണ് പൊലീസ് നടത്തിയതെന്നും തങ്ങളുടെ പരാതിയിൽ പറയുന്ന കാര്യങ്ങളിൽ അന്വേഷണം നടത്തുന്നില്ളെന്നും സഹോദരൻ ഭാസ്കരൻ ‘മാധ്യമ’ത്തോട് പറഞ്ഞു.
മുമ്പ് രാധക്ക് നേരെ നടന്ന കൊലപാതകശ്രമങ്ങളെക്കുറിച്ചും അന്വേഷണം വേണം. കേസിൽ രണ്ടിൽ കൂടുതൽ പ്രതികളുണ്ടെന്ന് തന്നെയാണ് വിശ്വസിക്കുന്നത്. പരസ്ത്രീബന്ധം വെളിപ്പെടുത്തുമെന്ന് സഹോദരി ഭീഷണി മുഴക്കിയെന്ന പ്രതികളുടെ പ്രചാരണം തെറ്റാണെന്നും ഇതിനുപിന്നാലെ പോയാണ് പൊലീസ് അന്വേഷണം നടത്തുന്നതെന്നും ഭാസ്കരൻ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.