മൈസൂ൪:കണ്ണൂരിൽ ബാങ്കുകളിലെ എ.ടി.എമ്മുകളിൽ നിക്ഷേപിക്കാൻ നൽകിയ പണം തട്ടിയ കേസിലെ പ്രതികൾ പിടിയിൽ. മൂന്നു ബാങ്കുകളുടെ പന്ത്രണ്ടോളം എ.ടി.എമ്മുകളിൽ നിക്ഷേപിക്കാൻ നൽകിയ രണ്ടുകോടിയോളം രൂപ തട്ടിയ ധ൪മ്മടം സ്വദേശികളായ എ.ജെ.മൃണാൾ(36), എം.ശരത്കുമാ൪(23) എന്നിവരാണ് മൈസൂ൪ പോലീസിന്്റെ പിടിയിലായത്. ശനിയാഴ്ചയാണ് ഇരുവരേയും മൈസൂരിൽ പോലീസ് പിടികൂടിയത്.
കഴിഞ്ഞ 13നാണ് പണം ബാങ്കിൽ എത്തിയിട്ടില്ളെന്ന കാര്യം ശ്രദ്ധയിൽപ്പെടുന്നത്. എ.ടി.എമ്മിൽ പണം നിക്ഷേപിക്കുന്ന സ്വകാര്യ ഏജൻസിയിലെ ജീവനക്കാരായ പ്രതികൾ അന്നു മുതൽ ഒളിവിലായിരുന്നു. ഐ.ഡി.ബി.ഐ, എച്ച്.ഡി.എഫ്.സി, ഐ.സി.ഐ.സി.ഐ. എന്നീ ബാങ്കുകളുടെ എ.ടി.മ്മുകളിൽ നിക്ഷേപിക്കാൻ നൽകിയ പണം പൂ൪ണമായും നിക്ഷേപിക്കാതെ പലതവണകളായി ഇവ൪ പണം തട്ടിയെടുത്തത്.
ബാങ്കുകളിലെ ചില ജീവനക്കാ൪ക്ക് തട്ടിപ്പിൽ പങ്കുണ്ടോയെന്നത് സംബന്ധിച്ച് അന്വേഷണം നടത്തിവരികയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.