പുന്നയൂര്: വിമത സ്ഥാനാര്ഥിയെ പിന്തുണക്കുന്ന മത്സ്യത്തൊഴിലാളി നേതാക്കളെ പുറത്താക്കണമെന്നവാശ്യപ്പെട്ട് കൂട്ട നിവേദനം. പുന്നയൂര് പഞ്ചായത്തിലെ കോണ്ഗ്രസ് പ്രവര്ത്തകരാണ് എടക്കഴിയൂര് 11ാം വാര്ഡില് യു.ഡി.എഫ് സ്ഥാനാര്ഥിക്കെതിരെ മത്സരിക്കുന്ന വിമതന്െറ അനുയായികളെ പുറത്താക്കണമെന്ന് നേതൃത്വത്തോട് ആവശ്യപ്പെട്ടത്.
കോണ്ഗ്രസ് പ്രതിനിധി എം.കെ. ഷഹര്ബാനെതിരെ മത്സരിക്കുന്ന വിമത സ്ഥാനാര്ഥിക്ക് വേണ്ടി മുഴുവന് സമയവും പ്രവര്ത്തിക്കുന്ന മത്സ്യത്തൊഴിലാളി കോണ്ഗ്രസ് സംസ്ഥാന സെക്രട്ടറി സി.വി. സുരേന്ദ്രന് മരക്കാന്, മത്സ്യത്തൊഴിലാളി കോണ്ഗ്രസ് വടക്കേക്കാട് ബ്ളോക് പ്രസിഡന്റ് മൊയ്തീന് ഷാ പള്ളത്ത് എന്നിവരെയാണ് പുറത്താക്കണമെന്നാവശ്യപ്പെട്ടത്. വാര്ഡിലെ കോണ്ഗ്രസ് പ്രവര്ത്തകരായ നൂറോളം പേര് ഒപ്പിട്ട നിവേദനം കെ.പി.സി.സി പ്രസിഡന്റ്, ഡി.സി.സി പ്രസിഡന്റ് എന്നിവര്ക്ക് അയച്ചു. യോഗത്തില് കെ. മുസ്തഫ അധ്യക്ഷത വഹിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.