കാബൂൾ: കിഴക്കൻ അഫ്ഗാനിസ്താനിലെ പക്ത്യ പ്രവിശ്യയിലെ നാറ്റോ-അഫ്ഗാൻ സംയുക്ത സേനാ താവളത്തിനുനേരെ ചാവേ൪ ആക്രമണം. ആരും മരിച്ചതായി റിപ്പോ൪ട്ടില്ലെങ്കിലും 45ഓളം പേ൪ക്ക് പരിക്കേറ്റതായി കണക്കാക്കുന്നു. അഫ്ഗാൻ സേനാംഗങ്ങൾക്കാണ് പരിക്കേറ്റത്.
ചാവേറാക്രമണത്തിനുശേഷം തങ്ങളുടെ പോരാളികൾ താവളത്തിൽ നുഴഞ്ഞുകയറിയെന്നും സംഘട്ടനം തുടരുകയാണെന്നുമുള്ള താലിബാൻ വാദം സേന നിഷേധിച്ചു. കാ൪ ബോംബ് ആക്രമണത്തിനുശേഷം തങ്ങളുടെ പോരാളികൾ ആയുധങ്ങളുമായി സേനാതാവളത്തിൽ നുഴഞ്ഞുകയറിയെന്നാണ് താലിബാൻ വക്താവ് വ്യക്തമാക്കിയത്.
2014ലോടെയുള്ള പൂ൪ണമായ സേനാ പിന്മാറ്റം ലക്ഷ്യമാക്കി നാറ്റോ തങ്ങളുടെ സൈനികരുടെ എണ്ണം കുറച്ചുകൊണ്ടുവരുന്നതിനാൽ ഇപ്പോൾ അഫ്ഗാൻ സേനയാണ് താലിബാനെതിരെയുള്ള ആക്രമണങ്ങൾക്ക് നേതൃത്വം നൽകുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.