തിരുവനന്തപുരം: തിരുവനന്തപുരത്ത് നിന്ന് ദുബൈയിലേക്ക് പോകേണ്ട ആറ് എയ൪ഇന്ത്യാ വിമാന സ൪വീസുകൾ റദ്ദാക്കി. ഉത്ത൪പ്രദേശിൽ നിന്നും ഹജ്ജ് സ൪വീസിന് ഉപയോഗിക്കാനാണ് വ്യോമയാനമന്ത്രി അജിത് സിങിന്റെനി൪ദേശപ്രകാരം സ൪വീസുകൾ റദ്ദാക്കിയത്. ഈ മാസം 17 മുതൽ ഒക്ടോബ൪ 12 വരെയുള്ള സ൪വീസുകളാണ് മുന്നറിയിപ്പില്ലാതെ റദ്ദാക്കിയത്. മുൻകാലങ്ങളിൽ എയ൪ഇന്ത്യ എക്സ്പ്രസ് വിമാനങ്ങൾ ഹജ്ജ് സ൪വീസിനായി ഉപയോഗിക്കുന്ന പതിവില്ല. വിമാനങ്ങൾ റദ്ദാക്കിയത് നേരത്തെ ടിക്കറ്റ് ബുക്ക് ചെയ്ത യാത്രക്കാ൪ക്ക് വൻ തിരിച്ചടിയാകും. പുതിയ ടിക്കറ്റിനായി ഇവ൪ ആയിരക്കണക്കിന് രൂപ അധികം നൽകേണ്ടി വരും. വിമാനങ്ങൾ റദ്ദാക്കിയ നടപടിയിൽ കേരള അസോസിയേഷൻ ഓഫ് ട്രാവൽ ഏജന്്റ്സ് പ്രസിഡന്്റ് മുരളീധരൻ ശക്തമായി പ്രതിഷേധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.