ന്യൂയോ൪ക്: ടോപ് സീഡ് റോജ൪ ഫെഡററും മൂന്നാം സീഡ് ആൻഡി മറെയും യു.എസ് ഓപൺ ടെന്നിസിന്റെ പുരുഷ വിഭാഗം സിംഗ്ൾസ് ആദ്യറൗണ്ടിൽ അനായാസ ജയം നേടി. ഫെഡറ൪ 6-3, 6-2, 6-4ന് അമേരിക്കയുടെ ഡൊണാൾഡ് യങ്ങിനെ തോൽപിച്ചപ്പോൾ മറെ 6-2, 6-4, 6-1ന് റഷ്യയുടെ അലക്സ് ബൊഗാമോളോവിനെ പരാജയപ്പെടുത്തി. മരിൻ സിലിച്ച്, നിക്കോളായ് ഡേവിഡെങ്കോ, കീ നിഷികോരി, മ൪ഡി ഫിഷ്, ഫെ൪ണാണ്ടോ വെ൪ഡാസ്കോ തുടങ്ങിയവരും രണ്ടാം റൗണ്ടിലെത്തിയിട്ടുണ്ട്.
വനിതകളിൽ ടോപ് സീഡ് വിക്ടോറിയ അസാരെങ്ക, മൂന്നാം സീഡ് മരിയ ഷറപോവ, നിലവിലെ ചാമ്പ്യൻ സാമന്ത സ്റ്റോസ൪, മുൻ ലോക ഒന്നാം നമ്പ൪ താരം കിം കൈ്ളസ്റ്റേഴ്സ് എന്നിവ൪ രണ്ടാം റൗണ്ടിൽ കടന്നു. ഷറപോവ 6-2, 6-2ന് മെലിൻഡ സിൻകിനെയും അസാരെങ്ക 6-0, 6-1ന് അലക്സാന്ദ്ര പനോവയെയും കീഴടക്കി. കൈ്ളസ്റ്റേഴ്സ് 6-3, 6-1ന് വിക്ടോറിയ ദുവാലിനെ കീഴ്പെടുത്തി. പെട്ര ക്വിറ്റോവ, ലൂസി സഫറോവ, മരിയൻ ബ൪തോലി, നാ ലി, നാദിയ പെട്രോവ എന്നിവരും രണ്ടാം റൗണ്ടിൽ കടന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.