വിംബ്ള്‍ഡണ്‍: ദ്യോകോവിച്ച്, ഷറപോവ രണ്ടാം റൗണ്ടില്‍

ലണ്ടൻ: അഞ്ചുതവണ ജേത്രിയായ വീനസ് വില്യംസ് വിംബ്ൾഡൺ ടെന്നിസ് ടൂ൪ണമെൻറിൻെറ ആദ്യറൗണ്ടിൽ പുറത്തായി. റഷ്യയുടെ എലേന വെസ്നിനയാണ് നേരിട്ടുള്ള സെറ്റുകൾക്ക് വീനസിനെ തുരത്തിയത്. സ്കോ൪ 6-1, 6-3. പുരുഷവിഭാഗം ടോപ്സീഡ് നൊവാക് ദ്യോകോവിച്ച് 6-3, 6-3, 6-1ന് യുവാൻ കാ൪ലോസ് ഫെരേറോയെ തോൽപിച്ച് രണ്ടാംറൗണ്ടിലെത്തി. എട്ടാം സീഡ് യാങ്കോ ടീപ്സാരെവിച്ച് 6-4, 7-6, 6-2ന് ഡേവിഡ് നൽബാൻഡിയനെ തോൽപിച്ച് രണ്ടാം റൗണ്ടിലെത്തി. ഗില്ലെസ് സിമോൺ, ഫെ൪ണാണ്ടോ വെ൪ഡാസ്കോ, റാഡെക് സ്റ്റെപാനെക്, റിച്ചാ൪ഡ് ഗാസ്ക്വെതുടങ്ങിയവരും രണ്ടാം റൗണ്ടിലെത്തി.
വനിതകളിൽ ടോപ് സീഡ് മരിയ ഷറപോവ 6-2, 6-3ന് അനസ്താസിയ റോഡിയോനോവയെ കീഴടക്കി രണ്ടാം റൗണ്ടിൽ ഇടമുറപ്പിച്ചു. മൂന്നാം സീഡ് ആഗ്നിയേസ്ക റാഡ്വാൻസ്ക, 11ാം സീഡ് നാ ലി, അഞ്ചാം സീഡ് സാമന്ത സ്റ്റോസ൪ തുടങ്ങിയവ൪ ആദ്യറൗണ്ടിൽ അനായാസജയം നേടിയപ്പോൾ 16ാം സീഡ് ഫ്ളാവിയ പെന്നറ്റ തോറ്റു പുറത്തായി.