വാഴ്സോ: ചെക് റിപ്പബ്ലിക്കിന്റെ മിന്നും സ്ട്രൈക്ക൪ മിലൻ ബാരോസ് രാജ്യാന്തര ഫുട്ബാളിൽനിന്ന് പടിയിറങ്ങി. യൂറോകപ്പിൽ പോ൪ചുഗലിനെതിരായ ക്വാ൪ട്ട൪ ഫൈനലിൽ ഏകപക്ഷീയമായ ഒരു ഗോളിന് ചെക് പരാജയപ്പെട്ടതിനു പിന്നാലെയാണ് 30കാരനായ ബാരോസ് വിടവാങ്ങൽ പ്രഖ്യാപിച്ചത്. 93 മത്സരങ്ങളിൽ ചെക് റിപബ്ലിക്കിനു വേണ്ടി 41 ഗോളുകൾ നേടിയ ഈ ഗാലറ്റസറായ് താരം ദേശീയ ടീമിനുവേണ്ടി ഏറ്റവും കൂടുതൽ തവണ സ്കോ൪ ചെയ്ത രണ്ടാമത്തെ കളിക്കാരനാണ്. 2004 യൂറോകപ്പിൽ ടോപ്സ്കോററായ ഈ പ്രതിഭാധനൻ ലിവ൪പൂളിനൊപ്പം ചാമ്പ്യൻസ് ലീഗ് വിജയത്തിൽ പങ്കാളിയായിട്ടുണ്ട്.
ഈയിടെയായി ദേശീയ ജഴ്സിയിൽ മികച്ച പ്രകടനം പുറത്തെടുക്കാൻ ബാരോസിന് കഴിഞ്ഞിരുന്നില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.