കോവിഡ് 19 കാരണം ലോക്ഡൗണിൽ ഇരിക്കുമ്പോൾ എങ്ങന്നെ ‘അകന്നു കൊണ്ടൊരുമിക്കാം’ എന്നതിന് ഇരിങ്ങാലക്കുട ക്രൈസ്റ്റ് കോളജിലെ ഒരു പറ്റം പൂർവ വിദ്യാർഥികൾ മാതൃക കാട്ടുകയാണ്
ഇരുപത് വർഷങ്ങൾക്ക് മുമ്പ് തൃശൂർ ഇരിങ്ങാലക്കുട ക്രൈസ്റ്റ് കോളേജിൽ അലയൊലികൾ തീർത്ത ഒരു ഗാനമുണ്ടായിരുന്നു. ഈ ലോക്ഡൗൺ കാലം ആ ഗാനത്തിന്‍റെ പുനർജൻമത്തിന് കൂടി സാക്ഷിയായി. അന്ന് ആ ഗാനം പാടിയ 27 പൂർവവിദ്യാർഥികൾ ലോകത്തിന്‍റെ വിവിധ കോണുകളിലിരുന്നാണ് വീണ്ടും ഗാനം ആലപിച്ചത്. ‘മൃത്യുഞ്ജയ മന്ത്രം’ എന്ന ഗാനം #അകന്നുകൊണ്ടൊരുമിക്കാം എന്ന ഹാഷ്ടാഗിലാണ് സമൂഹ മാധ്യമങ്ങളിലൂടെ പുറത്തിറക്കിയത്. ആർ.കെ. ദാമോദരെൻറ വരികൾക്ക് സെബി നയരമ്പലം ഈണം നൽകിയ ഈ ഗാനം അവർ ലോകത്തിെൻറ വിവിധ കോണുകളിൽ ഇരുന്നു പാടി.
മുറിഞ്ഞു പോയ സൗഹൃദങ്ങളെ തിരികെ കൊണ്ടുവരാനും, അതിലൂടെ സമൂഹത്തിന് മികച്ച സന്ദേശം നൽകാനും നേതൃത്വം നൽകിയത് ഇപ്പോൾ ഖത്തറിൽ പ്രവാസജീവിതം നയിക്കുന്ന പ്രജീത്ത് രാമകൃഷ്ണൻ ആണ്. ഫോട്ടോഗ്രാഫറും കീ ബോർഡ് ആർട്ടിസ്റ്റുമായ പ്രജിത്താണ് മ്യൂസിക് കോമ്പോസിങ്ങും വീഡിയോ എഡിറ്റിങ്ങും നടത്തി ഗാനം മികച്ച ദൃശ്യവിരുന്നാക്കി മാറ്റിയത്. മൊബൈൽ വഴി ചിത്രീകരിച്ച ഗാനം മെജോ ജോസഫും ടോം ഇമ്മട്ടിയുടെയും നേതൃത്വത്തിലാണ് സാക്ഷാത്കരിച്ചത്.
വിവിധ രാജ്യങ്ങളിൽ നിന്നായി പൂർവവിദ്യാർത്ഥികൾ ഒരുമിച്ച ഈ സൗഹൃദ കൂട്ടായ്മയിൽ ഹരികൃഷ്ണൻ, സ്റ്റീവ് ആേൻറാ, വിജീഷ്‌ലാൽ കരിന്തലക്കൂട്ടം എന്നിവരും അണിചേർന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.