ചെന്നൈ: തമിഴ് സൂപ്പർ താരം ചിയാൻ വിക്രം നായകനാകുന്ന ബ്രഹ്മാണ്ഡ ചിത്രം ‘കോബ്ര’യിലെ ‘തുമ്പി തുള്ളൽ’ പാട്ട് ഹിറ്റ് ചാർട്ടിൽ ഇടം നേടി. എ.ആർ. റഹ്മാൻ സംഗീതം നൽകിയ ‘തുമ്പി തുമ്പി തുമ്പി തുള്ളലോ’ എന്ന പാട്ടിെൻറ ലിറിക്കൽ വീഡിയോ കഴിഞ്ഞ ദിവസം യുട്യൂബിൽ റിലീസ് ചെയ്തിരുന്നു.
ഇതിനകം 35 ലക്ഷത്തിലേറെ പേരാണ് പാട്ട് കണ്ടിരിക്കുന്നത്. ‘കൊഞ്ചും ചിന്തൂര ചിങ്കാര കിന്നാര പൂന്തെന്നലായ് വന്നു’ എന്ന മലയാളം വരികളിലൂടെയാണ് ഗാനം തുടങ്ങുന്നത്. തമിഴ് വരികൾ വിവേകും മലയാളം വരികൾ ജിതിൻ രാജും രചിച്ചിരിക്കുന്നു. ശ്രേയ ഘോഷാലും നകുൽ അഭയങ്കാറും ആണ് ആലാപനം.
വിഡിയോയിൽ മലയാളത്തിെൻറ സ്വന്തം മാമുക്കോയയും രംഗത്തെത്തുന്നുണ്ട്.
‘കോബ്ര’യിൽ മാമുക്കോയ അഭിനയിക്കുന്നുണ്ടെന്ന വാർത്തകൾ പുറത്തുവന്നിരുന്നെങ്കിലും ‘ലുക്ക്’ പുറത്തുവരുന്നത് ആദ്യമാണ്. മാമുക്കോയയുടെ ആദ്യ തമിഴ് ചിത്രം കൂടിയാണിത്. അദ്ദേഹത്തിന് പുറമേ ബാബു ആൻറണി, റോഷൻ മാത്യു, സർജാനോ ഖാലിദ്, ജോൺ വിജയ്, മിയ എന്നിവരും മലയാളത്തിൽ നിന്നുണ്ട്. പദ്മപ്രിയ, കനിഹ എന്നിവരും ചിത്രത്തിലുണ്ട്.
വിക്രം 25 ഓളം ഗെറ്റപ്പുകളിലെത്തുന്ന ‘കോബ്ര’ സംവിധാനം ചെയ്യുന്നത് ആർ. അജയ് ജ്ഞാനമുത്തു ആണ്. മുൻ ഇന്ത്യൻ ക്രിക്കറ്റ് താരം ഇർഫാൻ പത്താൻ വേഷമിടുന്ന എന്നതാണ് ചിത്രത്തിെൻറ മറ്റൊരു പ്രത്യേകത. കോവിഡിെൻറ പശ്ചാത്തലത്തിൽ സംവിധായകൻ അജയ് ജ്ഞാനമുത്തു പ്രതിഫലത്തിെൻറ 40 ശതമാനം കുറച്ചത് ഏറെ വാർത്തയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.